Թուրքիան դեռ հետ չի վերադարձրել սիրիական ինքնաթիռից առգրաված ռուսական բեռը
Ռուսական Интерфакс լրատվական գործակալության փոխանցմամբ՝ Թուրքիան հետ չի վերադարձել նախորդ տարվա հոկտեմբերի 10-ին սիրիական ինքնաթիռից առգրաված բեռը: Թուրք զինվորականներն այդ ինքնաթիռին հարկադիր վայրէջք էին պարտադրել Անկարայում, ինչից հետո այն խուզարկվել է և առգրավվել է ռուսական բեռը:
Դրանից հետո Մոսկվան մի քանի անգամ նոտա է հղել Անկարային՝ պահանջելով, որ նա հետ վերադարձնի առգրաված արկղերը: Նույն պահանջով հանդես է եկել նաև Դամասկոսը: Սակայն թուրքական իշխանությունները ոչ մի կերպ չեն արձագանքել դրան:
Ռուսական բեռան առգրավումից հետո թուրքական կողմը բաց էր թողել ինքնաթիռը, իսկ Թուրքիայի վարչապետ Ռեջեփ Էրդողանը Ռուսաստանին մեղադրել էր Դամասկոսին զինամթերք մատակարարելու մեջ:
