Ադրբեջանցի զինծառայողը վիրավորել է իր ծառայակիցներին
Ադրբեջանական APA լրատվական գործակալության փոխանցմամբ՝ ճակատամերձ շրջանում վիրավորվել է ադրբեջանական բանակի երկու զինծառայող:
Զինծառայող Սաբուխի Օսմանլին իր ծառայողական ինքնաձիգից կրակ է բացել իր ծառայակիցներ Էլշադ Խատամովի ու Մովլուդ Մուրտուզալիևի վրա: Վիրավոր զինծառայողներին տեղափոխել են հոսպիտալ:
Նախնական տվյալներով՝ միջադեպը գրանցվել է իր զենքի հետ զինծառայողի անփույթ վերաբերմունքի պատճառով: Տվյալ միջադեպը հաստատել է Պաշտպանության նախարարության մամուլի ծառայության պետի տեղակալ Թեյմուր Աբդուլաևը: Նա հայտնել է, որ տվյալ փաստով տարվում է հետաքննություն:
