«ՀՀԿ-ն միշտ խուսափում է հրապարակային բանավեճերից». մամուլ
««Ես վստահեցնում եմ, որ Արմեն Ռուստամյանը շատ ավելի լավ կառավարիչ կլինի, քան մյուսները։ Հայաստանում արմատական փոփոխությունների սկիզբ կլինի»,– երեկ լրագրողներին ասաց ՀՅԴ Հայաստանի Գերագույն մարմնի փոխներկայացուցիշ Աղվան Վարդանյանը։
Նա նշեց, որ նորից օգտագործվում են վարչական ռեսուրսները, նորից ցուցակներ, անձնագրեր… «ուսուցիչներին տուն առ տուն գցում են, որ գնան և իրենց աշակերտների ծնողներին քարոզեն, ձայն ապահովեն՝ ՀՀԿ-ի ցանկի և նրա թեկնածուի համար»։
Աղվան Վարդանյանը հրավիրեց Տարոն Մարգարյանին հրապարակային բանավեճի Արմեն Ռուստամյանի հետ՝ ասելով, որ ՀՀԿ-ն միշտ խուսափում է հրապարակային բանավեճերից»,- գրումէ «Առավոտ» օրաթերթը։
