Իրանը չունի ատոմային ռումբի կարիք. Մահմուդ Ահմադինեժադ
Իրանական Press TV լրատվական գործակալության փոխանցմամբ՝ Իրանի նախագահ Մահմուդ Ահմադինեժադը հայտարարել է, Իրանը չունի ատոմային ռումբի կարիք՝ անհրաժեշտության դեպքում թշնամիներին տարածաշրջանից վերացնելու համար:
Ահմադինեժադի խոսքերով՝ գերտերությունները ճնշում են գործադրում Իրանի ժողովրդի վրա՝ նպատակ հետապնդելով կանգնեցնել նրա առաջընթացը. «Նրանք միջուկային հարցն օգտագործում է որպես պատրվակ և կեղծ պնդումներ են անում, թե Իրանը ստեղծում է միջուկային ռումբ:
Միևնույն ժամանակ Իրանը կարիք չունի ատոմային ռումբի, և եթե երբևէ անհրաժեշտություն առաջանա թշնամիներին տարածաշրջանից վերացնելու համար, ապա (Իրանի) երիտասարդությունը դա կանի իր վճռականության ու մտքերի օգնությամբ»:
