Սաուդյան Արաբիան սկսել է 2000 կիլոմետր երկարությամբ պատ կառուցել Եմենի հետ սահմանին
BBC-ի փոխանցմամբ՝ Սաուդյան Արաբիայում մեկնարկել են Եմենի սահմանի երկայնքով վիթխարի պատի կառուցման աշխատանքները: Պատի երկարությունը կազմելու է գրեթե 2000 կիլոմետր:
Սաուդյան Արաբիայի իշխանությունները հայտարարել են, որ պատի շնորհիվ կկարողանան կանխել հարևան երկրից (Եմենից) ապօրինի ներգաղթյալների, թմրավաճառների ու ահաբեկչական «Ալ Քաիդա» կազմակերպության անդամների մուտքը:
Սաուդցի սահմանապահները դժգոհում են, որ «Արաբական գարնան» սկսվելուց հետո իրավիճակը կտրուկ վատթարացել է Եմենի հետ սահմանին: Ոչ վաղ անցյալում մաքսանենգների հետ գրանցված հերթական փոխհրաձգության ժամանակ զոհվել էր սահմանապահ ծառայության 5 աշխատակից:
