Սերժ Սարգսյանը պատրաստվում է ճոխ երդմնակալությա՞ն. ինչու է փակվել Օպերայի տարածքը
Ինչպես արդեն տեղեկացրել էինք, երեկվանից Օպերային հարող շրջակա տարածքը՝ Բաղրամյան պողոտայի սկիզբը, Մաշտոցի պողոտայի, Սայաթ-Նովա փողոցի որոշ հատվածներ փակ են, և ճանապարհատրանսպորտային երթևեկությունը կանգնեցված է:
Պաշտոնական որևէ բացատրություն այս առնչությամբ չի տրվել, ինչը պատճառ է դարձել, որ քաղաքացիները սեփական բացատրությունները փորձեն գտնել։
Այս պահին շրջանառվող ամենապոպուլյար բացատրությունն այն է, որ Օպերայի շրջակա տարածքում ընթանում է նախագահ Սերժ Սարգսյանի՝ ապրիլի 9-ին կայանալիք երդմնակալության արարողության փորձը։
Փողոցում կարելի է նկատել տեսանկարահանող խմբերի և մեքենաների։ Իսկ այս պահին (ժամը 13։30-ի սահմաններում) երկնքում պտտվում է մի ուղղաթիռ։
Եթե խոսակցությունները ճիշտ են, ապա կարելի է ենթադրել, որ Սերժ Սարգսյանը պատրաստվում է բավական ճոխ արարողության՝ փոխհատուցելով 5 տարի առաջվա մռայլ պատկերը։
