Ֆրանսիայում մահացել է Շառլ դե Գոլի ավագ դուստրը
Ֆրանսիական Le Monde թերթի փոխանցմամբ՝ Ֆրանսիայում մահացել է Էլիզաբեթ դե Գոլը, ով հանդիսանում էր Ֆրանսիայի նախկին նախագահ Շառլ դե Գոլի դուստրը: Նա մահացավ 88 տարեկան հասակում:
Նշվում է, որ Գոլի ավագ դուստրը մահացել է ապրիլի 2-ին, սակայն նրա ազգականներն այդ մասին մամուլին իրազեկել են միայն օրեր անց: Էլիզաբեթ դե Գոլին հրաժեշտ տալու արարողությունը կայանալու է վաղը, Փարիզում գտնվող Սուրբ Լյուդովիկոս տաճարում: Դրանից հետո նրան կհուղարկավորեն Կոլոմբո-լե-դեզ-Էգլիզ գյուղի գերեզմանատանը:
Հիշեցնենք, որ գեներալ Շառլ դե Գոլը 1940 թվականին նացիստական ուժերի կողմից Փարիզի օկուպացումից հետո Լոնդոնում հիմնադրել է «Ազատ (Մարտնչող) Ֆրանսիա» կազմակերպությունը և դարձել Դիմադրության շարժման առաջնորդներից մեկը:
