Ավստրալացի միլիարդատերը կստեղծի Յուրյան ժամանակաշրջանի եզակի զբոսայգի
Infuture-ի փոխանցմամբ՝ ավստրալացի միլիարդատեր Քլայվ Փալմերը որոշվել է կառուցել Յուրյան ժամանակաշրջանի ամբողջովին ավտոմատացված զբոսայգի: Սա ավստրալացու երկրորդ մասշտաբային նախագիծն է:
Չնայած նրան, որ Քլայվը դեռ չի ավարտել իր առաջին մասշտաբային նախագիծը՝ խորտակված «Տիտանիկ» նավի ճիշտ կրկնօրինակի ստեղծումը՝ նա արդեն իսկ պատրաստ է ձեռնամուխ լինել իր երկրորդ նախագծի իրագործմանը:
Ավստրալացի մագնատի տահղացմամբ՝ ատրակցիոնների իր զբոսայգում պետք է գործեն դինոզավր-ռոբոտները, որոնք առավելագույնս նմանեցված կլինեն իրական, ողջ դինոզավրերին: Անկասկած է, որ այս նախագիծը հավանության է արժանանալու «Յուրյան ժամանակաշրջանի այգի» ֆիլմի երկրպագուների կողմից:
Փալմերի կարծիքով, այդ այգին կունենա մեծ թվով այցելուներ, և նման այգու ստեղծումը կլինի լավ ներդրում:
Հիշեցնենք, որ Յուրյան ժամանակաշրջանը մեկնարկել է 201.3 միլիոն տարի առաջ և ավարտվել է 145 միլիոն տարի առաջ՝ դրանով իսկ տևելով մոտ 56 միլիոն տարի:
