Անհրաժեշտ է մեկ քայլ առաջ անցնել մեր թշնամիների մտադրություններից. Ալի Խամենեի
Իրանական IRNA լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենեին երկրի գիտական ու ֆինանսական ընտրանուն առաջարկել է գերազանցել Իրանի հանդեպ ոչ բարեկամաբար տրամադրվածների մտադրությունները.
«Անհրաժեշտ է մեկ քայլ առաջ անցնել մեր երկրի թշնամիների մտադրություններից: Ձեզ կոչ եմ անում ցուցաբերել զգոնություն ու ակտիվություն և կանխել թշնամիների ինտրիգները: Դա հանդիսանում է երկրի ու ժողովրդի առաջ ձեր բարոյական պարտքը»:
Նշվում է, որ Խամենեիի այս կոչն ուղղվել է երկրի արդյունաբերողներին, ներդրողներին, ֆերմերներին ու գիտնականներին: