Թուրքիայի իշխանությունները սիրիացի փախստականների վրա ծախսել են 600 միլիոն դոլար
Ռուսական РИА Новости լրատվական գործակալության փոխանցմամբ՝ Թուրքիայի տարածքում ներկայումս գտնվող սիրիացի փախստականների քանակը կազմում է մոտ 350.000 մարդ: Նրանց պահելու վրա Թուրքիայի իշխանությունների ծախսած գումարը հասել է 600 միլիոն դոլարի:
Այս մասին այսօր Ստամբուլում հայտարարել է Արտակարգ իրավիճակների ու բնական աղետների կառավարական դեպարտամենտի ղեկավար Ֆուաթ Օքթայը. «Սիրիական հակամարտությունը շարունակվում է մոտ երկու տարի:
Դրա սկսվելուց ի վեր մեր երկրում ժամանակավոր ապստան է գտել մոտ 350.000 սիրիացի: Նրանց հիմնական մասը՝ 192.000 փախստական, տեղավորվել է նրանց համար ստեղծված վրանային ու տնակային քաղաքներում»:
