iPhone-ի հաջորդ 2 մոդելները մշակվել էին դեռևս Սթիվ Ջոբսի օրոք
iPhone-ի հաջորդ 2 մոդելները մշակված են եղել դեռևս ընկերության հիմնադիր Սթիվ Ջոբսի կենդանության օրոք։ Այս մասին հայտնի է դարձել ընկերության ներկայացուցիչ Մայքլ Ֆոուլկսի բանակցությունների ժամանակ՝ Սան- Ֆրանցիսկոյի շրջանային դատախազի հետ, գրում է «Վեստին»:
Զրույցի ընթացքում Apple-ի ներկայացուցիչը հայտնել է, որ iPhone-ի հաջորդ 2 մոդելները մշակվել են Թիմ Քուքի ղեկավարումից առաջ: Նշենք, որ վերջինս ստանձնել է Apple-ի կառավարումը Ջոբսի մահից հետո։ Հավանաբար ընկերության ներկայացուցիչը նկատի է ունեցել iPhone 5S և iPhone 6 պայմանական անվանմամբ մոդելները:
Տեղեկացնենք, որ Apple-ի ներկայացուցիչը և Սան- Ֆրանցիսկոյի շրջանային դատախազը քննարկում էին սմարթֆոնի՝ կորելու կամ գողացվելու դեպքում ավտոմատ կերպով անջատելու հնարավորությունը:
