Սաակաշվիլին ԵԽԽՎ ամբիոնից բարձրաձայնել հայ-վրացական բարեկամությամբ իր հպարտանալու մասին
Ադրբեջանական 1news.az լրատվական գործակալության փոխանցմամբ՝ Վրաստանի նախագահ Միխեիլ Սաակաշվիլին երեկ բացված ԵԽԽՎ Ձմեռային նստաշրջանում ունեցած ելույթում անդրադարձել է հայ-վրացական հարաբերություններին. «Ես մեծապես հպարտանում եմ, որ իմ նախագահության ժամանակաշրջանում Վրաստանի ու Հայաստանի միջև բարեկամությունը հասավ նոր մակարդակի:
Ինձ բազմիցս քննադատել են հայոց պատմության, մշակույթի և հայ ազգի հանդեպ տածած սիրուս համար: Այն ժամանակ, երբ մեր հայ հարևաններն ընտրել են անվտանգության այլ դաշինք, Վրաստանը շարունակվում է ՆԱՏՕ-ին ինտեգրվելու գործընթացը: ԵՄ-ն ու ՆԱՏՕ-ն Վրաստանի համար պարզապես գործընկերներ չեն: Դա ընտանիք է, որի անդամն ենք ցանկանում դառնալ մենք՝ վերափոխելով մեր արտաքին քաղաքականության նպատակները, մեր ներքին բարեփոխումների հորիզոնը»:
Սաակաշվիլին հավելել է, որ դաշինքի ընտրությունը յուրաքանչյուր երկրի ինքնիշխան իրավունքն է:
