Պենտագոնի ղեկավարի պաշտոնում Չակ Հեյգելի թեկնածության առաջադրումը անհանգստացրել է Իսրայելին
France-Presse գործակալության փոխանցմամբ՝ ԱՄՆ նախագահ Բարաք Օբամայի կողմից Պենտագոնի ղեկավարի պաշտոնում Չակ Հեյգելի թեկնածության առաջադրումը հարուցել է Իսրայելի անհանգստությունը: Այս մասին հայտարարել է Իսրայելի խորհրդարանի նախագահ Ռեուվեն Ռիվլինը:
Վերջինիս խոսքերով՝ Չակ Հեյգելը «փառահեղ մեկուսացում» տեսության ջատագով է, ինչը կարող է ազդել ԱՄՆ-ի միջազգային ռազմավարության վրա: Նա հավելել է, որ այդ փոփոխությունները պետք է անհագստացնեն, սակայն չպետք է ահաբեկեն Իսրայելին:
«Փառահեղ մեկուսացում» տեսությունն իրենից ենթադրում է երկարաժամկետ դաշինքներ կնքելուց հրաժարում:
Հիշեցնենք, որ սրանից առաջ Իրանի ԱԳՆ-ը ողջունել էր Պենտագոնի ղեկավարի պաշտոնում Չակ Հեյգելի թեկնածության առաջադրումը:
