17-ամյա հոկեյիստը փրկել է վթարի ենթարկված ավտոբուսի ուղևորներին
17-ամյա հոկեյիստ Ալեքսանդր Վոզժենիկովը կարողացել է փրկել վթարի ենթարկված ավտոբուսի 12 ուղևորների։ Պերմից Կուրգան ուղևորվող ավտոբուսը բախվել է հանդիպակաց ուղի դուրս եկած բեռնատար մեքենայի հետ։ Ավտոբուսի մեջ եղել է 16 հոգի։ Հաղորդվում է, որ վարորդները տեղում զոհվել են։
«Ես չխառնվեցի, վերցրեցի մուրճը և կոտրեցի ապակիները՝ հանելով ավտոբուսից ուղևորներին», – ասել է 17-ամյա մարզիկը։ Այս մասին հաղորդում է Perm-Times-ը։
Մարզական լրահոսն ապահովում է SportArmenia.com-ը
