Գրանտը պարտքից լավ է
«ԱՄՆ Միջազգային զարգացման գործակալության կողմից իրականացվող ֆինանսական օժանդակության ծրագրերը դրամաշնորհային ծրագրեր են, որոնք չեն ավելացնում հետագա ֆինանսական պարտավորություններ, ինչը շատ լավ է»,- այսօր ասաց ՀՀ էկոնոմիկայի նախարար Տ.Դավթյանը՝ ԱՄՆ Միջազգային զարգացման գործակալության (USAID) տնօրեն Քարեն Հիլարդի հետ համատեղ ասուլիսի ժամանակ:
Նախարարի խոսքով, USAID-ը Հայաստանում բավականին հետաքրքիր ծրագրեր է իրականացնում, որոնց իրականացումից, հաստատ, Հայաստանին օգուտ կա: «Մենք հիմա աշխատում ենք այդ ծրագրերից առավելագույն օգուտ ստանալու ուղղությամբ: Որպեսզի արդյունքները տեսանելի լինեն: Մենք ձգտում ենք, որ այդ ծրագրերի իրականացման մեջ ներգրավված լինեն ավելի շատ մեր ներքին ուժերը, մասնագետները և ընկերությունները, որ ավելի շատ այդ ռեսուրսները մնան Հայաստանում»,- ասաց Տ.Դավթյանը՝ ավելացնելով, որ համագործակցության շրջանակում ընդգրկվել են բոլոր այն ճյուղերը, որոնք առավելագույնս անհրաժեշտ են երկրի զարգացման համար
