Հայաստանի վարչապետը Յալթայում մասնակցել է ԱՊՀ-ի կառավարությունների ղեկավարների խորհրդի նիստին
Նեղ շրջանակում հանդիպման ժամանակ կառավարությունների ղեկավարները հավանություն են տվել Ուզբեկստանի միացմանը Ազատ առեւտրի պայմանագրին, որի գործընթացը նախատեսվում է ավարտել մինչեւ տարեվերջ: Ստորագրվել է համատեղ հայտարարություն այն մասին, որ հինգ երկրներ, այդ թվում` Հայաստանը, վավերացրել են Ազատ առեւտրի գոտու պայմանագիրը:
Կառավարության տեղեկատվության եւ հասարակայնության հետ կապերի վարչության փոխանցմամբ` վարչապետը մասնակցել է նաեւ «Յալթայի գործարար հանդիպումներ» բիզնես ֆորումի շրջանակներում «Ներդրումային նոր հնարավորություններ եւ ԱՊՀ-ի շրջանակներում տնտեսական համագործակցություն» թեմայով համաժողովին:
Կառավարական պատվիրակության կազմում են ֆինանսների նախարար Վաչե Գաբրիելյանը, էկոնոմիկայի նախարարի առաջին տեղակալ Կարինե Մինասյանը, արտգործնախարարի տեղակալ Շավարշ Քոչարյանը, այլ պաշտոնյաներ:
