Սերգեյ Օվչինիկովն ինքնասպան է եղել
Մենք արդեն տեղեկացրել ենք, որ Ռուսաստանի վոլեյբոլի կանանց հավաքականի գլխավոր մարզիչ Սերգեյ Օվչիննիկովը մահացել է 44 տարեկան հասակում: Ինչպես հայտնի է դարձել, ռուս մասնագետն ինքնասպանություն է գործել:
«Օվչիննիկովն ինքնասպան է եղել: Իհարկե, մեծ հիմարություն: Ես ցավակցում եմ: Նա իմ ընկերն էր: Ոչ ոք վատ բան չէր ասել նրա հասցեին: Օլիմպիական խաղերում մենք ձախողվեցինք, սակայն դա ոչինչ չի նշանակում: Չգիտեմ, թե ինչու նա չդիմացավ», – հավաքականի նախկին գլխավոր մարզիչ Վլադիմիր Կազյուտկինի խոսքերը մեջբերում է Rusnovosti-ն:
«Նա շատ ծանր էր տանում Օլիմպիական խաղերում կրած պարտությունը: Ես տեսնում էի` ինչպես է տանջվում Օվչիննիկովը, չէր գտնում իր տեղը պարտությունից հետո: Նա չի սիրում խոսել, անգամ հաղթանակներից հետո միշտ մտածմունքների մեջ էր, շատ էր ծխում», – ավելացրել է Ռուսատանի տղամարդկանց հավաքականի գլխավոր մարզիչ Վլադիմիր Ալեկնոն:
Մարզական լրահոսն ապահովում է SportArmenia.com-ը
