Պաոլո Մալդինի. Կրկիչը կարող է դրսևորել իրեն Միլանում
«Միլանի» լեգենդար պաշտպան և երկար տարիների ավագ Պաոլո Մալդինին ուրախությամբ է ընդունել Բոյան Կրկիչի տեղափոխության մասին լուրը:
«Բոյանը հիանալի է պատրաստված տեխնիկապես: Նա ֆուտբոլային առաջին քայլերն արել է «Բարսելոնայում»: Այս փաստը նույնպես հաջողության երաշխիք է: Անշուշտ, Կրկիչը կարող է դրսևորել իրեն «Միլանում»: Ես հավատում եմ նրա տաղանդին, սակայն շատ բան կախված կլինի այն հանգամանքից, թե ինչքան արագ նա կհարմարվի նոր միջավայրին», – Մալդինիի խոսքերը մեջբերում է Tutto Mercato-ն:
Հիշեցնենք, որ «Միլանը» Բոյան Կրկիչին վարձակալել է «Ռոմայից» մեկ տարի ժամկետով:
Մարզական լրահոսն ապահովում է SportArmenia.com-ը
