Ոստիկանությունը ցրում է հավաքը. ոստիկանները հատուկ միջոցներ կիրառեցին ցուցարարների նկատմամբ
Ոստիկանները հատուկ միջոցներ կիրառեցին Ազատության հրապարակից Սարի թաղ եկած ցուցարարների դեմ:
Հիմա Խորենացու փողոցը կիսադատարկ է, ոստիկանությունը առանց բացատրություն տալու ցուցարարներին շարունակում է բերման ենթարկել: Ոստիկանությունը տասնյակ մարդկանց նստեցնում է ոստիկանական պատնեշից այն կողմ գտնվող ավտոբուսները:
Մինչ իրականացվում էին ոստիկանական գործողությունները, ՊՊԾ գնդի տարածքից պայթյունների ձայներ են լսվում:
Երևանի փոխոստիկանապետ Վալերի Օսիպյանը լրագրողներին կոչ արեց մի կողմ գնալ՝ ելնելով անվտանգության նկատառումներից, քանի որ ՊՊԾ գնդի տարածքում կրակոցներ են հնչում:
