Մոսկվայի քաղաքային դատարանը կհրապարակի Օրհան Զեյնալովի դատավճիռը. մեղադրողը պահանջել է 18 տարով ազատազրկում
Մոսկվայի քաղաքային դատարանն այսօր կհրապարակի Օրհան Զեյնալովի դատավճիռը:
Նա մեղադրվում է Եգոր Շերբակովի սպանության մեջ:
Ինչպես տեղեկացնում է ntv.ru-ն, մեղադրողը պահանջել է Զեյնալովին դատապարտել 18 տարվա ազատազրկման, ինչպես նաև հօգուտ տուժողի նրանից բռնագանձել 5 մլն ռուբլի:
Ինքը՝ Զեյնալովը, իրեն մեղավոր չի ճանաչում և հայտարարում է, որ դեպքի վայրում չի եղել:
ntv.ru-ի փոխանցմամբ, նրա դեմ են վկայել անձինք, իսկ քրեական գործում էլ առկա են Զեյնալովի հեռախոսային խոսակցությունների վերծանումները:
