168.am-ի հետ զրույցում Ագրարագյուղացիական միավորման նախագահ Հրաչ Բերբերյանն ասաց, որ այս որոշման մեջ, ինչպես Կառավարության շատ որոշումների դեպքում, որևէ հիմնավորում ու տրամաբանություն չկա։
«Ես չեմ հասկանում, թե ինչի՞ համար է օրենքով սահմանված մեր հանձնաժողովը, որն օրենքով պետք է փորձաքննություն անցկացնի և Կառավարությանը տա իր կարծիքը, որը պետք է հիմք ընդունի և՛ Կառավարությունը, և՛ ԱԺ-ն, բայց, ցավոք, Կառավարությունն առանց ոչ մի բանի՝ որոշում է կայացնում ու ուղարկում է ԱԺ, խորհրդարանն էլ դա հաշվի չի առնում, որովհետև մենք տալիս ենք բացասական կարծիք, բայց իրենք էլի իրենցն անում են։ Իրենք ավելի լա՞վ փորձագետներ ունեն, իրենց փորձագետները եկել էին, չկարողացան մեր հարցադրումներին պատասխանեն, ստացվում է՝ իրենք կամավոր որոշումներ են ընդունում, առանց հիմնավորման ու առանց մեր փորձագետների հետ քննարկման»,- ընդգծեց նա։
