Նիկոլ Փաշինյանի ղեկավարած կառավարությունը խոստացել էր աղքատությունը Հայաստանում կիսով չափ կրճատել։ Հինգ տարում աղքատությունը, կարելի է ասել, գրեթե չի կրճատվել։ Այնինչ՝ պիտի կրճատվեր առնվազն 13 տոկոսային կետով։
Ահա թե ինչու, օրինակ, Հայաստանի համար բազմակի ավելի կարևոր էր ազգային ավիափոխադրողի ստեղծման ներդրումային խոշոր ծրագրի հաջողությունը, այդ թվում՝ երկրի ներդրումային վարկանիշի ձևավորման տեսանկյունից, քան ավիաշուկայում պետական սուբսիդավորմամբ սոցիալական «ձեռքբերումները»:
Եթե մինչև վերջերս աշխատողների որոշ խմբերի հաշվին միջին աշխատավարձն իներցիայով աճում էր, այս տարի դա էլ կդադարի։ Փոքր ու միջին բիզնեսի նկատմամբ հարկային ճնշման մեծացման հետևանքով՝ մարդիկ կկանգնեն նաև աշխատանքը կորցնելու վտանգի առջև՝ զրկվելով անգամ այն չնչին եկամուտներից, որոնցով մի կերպ գոյություն էին պահպանում։
