Պայթյուններ Բանդար Աբասում, Բուշերի և Սիրիկի շրջաններում. Խարկ կղզում արտակարգ պատահարի մասին լուրերը չեն հաստատվել

Իրանի բնակիչները և տեղական լրատվամիջոցները հայտնել են իրանական Բանդար Աբասում լսված պայթյունների ձայների, ինչպես նաև Բուշերի շրջակայքում՝ Չողադոկ քաղաքի մոտակայքում որոտացած երկու պայթյունների մասին:

Միաժամանակ, Mehr գործակալությունը հերքել է տարածված լուրերն այն մասին, ըստ որոնց իբր պայթյուն է տեղի ունեցել Խարկ կղզում: Գործակալության տվյալներով՝ կղզում պայթյունի մասին տեղեկությունը չի համապատասխանում իրականությանը:

Ավելի վաղ Mehr գործակալությունը պնդում էր նաև, որ նախորդ երկու գիշերների ընթացքում ամերիկյան ուժերը հարվածներ են հասցրել Իրանի հարավային ափին, որոնց հետևանքով, ըստ նրա տվյալների, զոհվել են մի քանի ձկնորսներ և երկրի պաշտպաններ, ինչպես նաև զգալի վնաս է հասցվել ձկնորսական արդյունաբերությանը Բանդար Աբասի և Սիրիկի շրջաններում: