«Իմ սպասելիքները մեծ են, և մենք ունենք նաև դիրքային առավելություն: Մի քանի շաբաթ առաջ ՄԻԵԴ-ում առաջին անգամ ունեցանք միակողմանի հաղթանակ, որովհետև ՄԻԵԴ-ը բավարարեց հայկական կողմի պահանջը և ամբողջովին մերժեց Ադրբեջանի պահանջը: Այս դատարանների իրավասությունները տարբեր են, սակայն նույնաբովանդակ խնդիրներ դրված են ՄԱԿ-ի դատարանում: Կարծում եմ՝ փաստակազմը դարձյալ խոսում է հայկական պահանջների օգտին, ուստի ես դրական սպասում ունեմ, որ մենք հաղթանակ ենք արձանագրելու ՄԱԿ-ի դատարանում:
Դեռևս նախորդ տարվա ամռան սկզբից փաստաբան Վահան Հովհաննիսյանի նախաձեռնությամբ և գլխավորությամբ մի խումբ փաստաբաններ սկսեցին հավաքել քարտեզներ, փաստաթղթեր և այլ արխիվային նյութեր, որոնք միջազգային կառույցներում կապացուցեին, որ Ադրբեջանը հերթական անգամ ստում է, հայտարարելով, թե Հայաստանում կան «ադրբեջանական անկլավներ»։
«Այն, որ Արցախի ժողովուրդը մշտական հոգեբանական ու ֆիզիկական վախի մթնոլորտում է ապրում, սա արդեն իսկ մարդու իրավունքների կոպտագույն խախտում է, և սրա առաջին պատասխանատուն Ադրբեջանն է՝ իր ագրեսիվ վարքագծով»,- շեշտեց Գեղամ Ստեփանյանը։
