Կրթության, գիտության, մշակույթի և սպորտի նախարար Ժաննա Անդրեասյանն այսօր տարեկան ամփոփիչ ասուլիսի ժամանակ անդրադարձավ «Գոյ» թատրոնը Սունդուկյանի անվան թատրոնին միացնելու վերաբերյալ հարցին, ինչին դեմ են «Գոյ» թատրոնում։
ՀՀ ԳԱԱ Մանուկ Աբեղյանի անվան գրականության ինստիտուտի տնօրեն Վարդան Դևրիկյանը 168.am-ի հետ զրույցում անդրադառնալով ակադեմիական քաղաք ստեղծելու մասին այս իշխանությունների արդեն երկար ժամանակ շրջանառության մեջ դրած գաղափարին՝ ասաց. «Քանի դեռ օրենսդրական ոչինչ չկա, ինչ ասեմ: Ես ավանդական ըմբռնումներ ունեցող մարդ եմ, այդ թվում՝ գիտության: Երբ հստակ որևէ բան լինի, այն ժամանակ հստակ իմ դիրքորոշումը կարտահայտեմ: Մինչև ծրագիր չլինի, «օդի մեջ» չեմ կարող խոսել»:
ԿԳՄՍ նախարարությունը հանրային քննարկման է ներկայացրել «Ժողովրդական երաժշտության և պարի ազգային կենտրոն» ՊՈԱԿ-ի ստեղծման նախագիծը: Ըստ այդմ՝ «Հայաստանի պարի պետական անսամբլ» պետական ոչ առևտրային կազմակերպությունը, «Հայաստանի պարարվեստի «Բարեկամություն» պետական համույթ» պետական ոչ առևտրային կազմակերպությունը և «Թ. Ալթունյանի անվան երգի-պարի պետական համույթ»-ը միաձուլման ձևով կվերակազմակերպվեն:
