Խորհրդարանական ընդդիմությանն առաջարկում եմ փակ քննարկում հրավիրել Տիգրանաշենի հարցով. Արմեն Աշոտյան
Սեպտեմբերի 12-ին Հռիփսիմե Ջեբեջյանի հետ զրույցի ժամանակ Հայաստանի հանրապետական կուսակցության (ՀՀԿ) փոխնախագահ, տնային կալանքի մեջ գտնվող քաղբանտարկյալ Արմեն Աշոտյանը հանդես էր եկել առաջարկով՝ ուղղված խորհրդարանական ընդդիմությանը:
«Եթե խորհրդարանական ընդդիմությունն ուզում է, և կարծում եմ՝ պետք է ուզենա, եթե չի ստացվում միասնական շտաբ ունենալ, առաջարկում եմ, որ խորհրդարանական ընդդիմությունը հրավիրի փակ քննարկում իր համար նախընտրելի քաղաքական-հասարակական, հանրային ուժերի հետ՝ «Ի՞նչ անել Տիգրանաշենի հետ կապված» հարցով: Շատ լավ օրակարգ է»,- ասել է Արմեն Աշոտյանը:
