Երևանում կայանատեղիների վճարը մեկ որոշմամբ բարձրացվեց մոտ 13 անգամ՝ 12 հազարից դառնալով 160 հազար դրամ, անցած տարվանից հարկային դաշտ են բերվել մի շարք ծառայություններ, անշարժ գույքի գույքահարկն արդեն այս տարվանից բարձրացել է կրկնակի անգամ, տրանսպորտի ուղեվարձը փետրվարի 1-ից կրկին եռապատկվելու է, իսկ եկամուտների համընդհանուր հայտարարագրումը քաղաքացիների կյանքը վերածելու է իսկական ֆինանսական ու բյուրոկրատական դժոխքի։
«Առանձին թեմա են քաղաքական կոռուպցիան, ծանոթ-բարեկամների համատարած նշանակումները պետական պաշտոններին, դատական համակարգի կախյալ և քաղաքականացված վիճակը։ Երկրում այնպիսի խորքային ճգնաժամ է, որ, կարելի է ասել, ժողովրդի աչքին ավելի շատ են երևում այլ խնդիրներ, ներառյալ՝ անվտանգությունը, քան փաշինյանական թայֆայի կողոպուտը»։
168.am-ի տեղեկություններով՝ երեկ թալանել են Արթիկ քաղաքի ամենահայտնի ոսկու խանութներից մեկի տիրոջը՝ նրան ու իր որդուն սաստիկ ծեծի ենթարկելով: Արթիկի մեր աղբյուրների փոխացմամբ՝ Արթիկ քաղաքում, ուր նախկինում խոշոր գողություններ ու աղմկահարույց հանցագործություններ գրեթե չէին լինում, վերջին 2-3 ամսվա մեջ այդ առումով բավականին «առաջընթաց» է գրանցել: Ուշագրավն այն է, սակայն, որ այդ հանցագործությունները թաքցվում են:
