Մարտի 18-ին Նիկոլ Փաշինյանը գնացել էր Տավուշի մարզ, հանդիպել սահմանամերձ գյուղի բնակիչների հետ, հայտնել, որ տարածքներ պետք է հանձնվեն Ադրբեջանին, «այն տարածքները, որոնք հայկական չեն», հիմնավորելով, որ եթե այդ քայլին չդիմեն, վաղը կարող է Ադրբեջանը դիմի պատերազմի։
Մայիսի 14-ին ԱԺ-ում Կառավարության հետ հարցուպատասխանի ժամանակ Նիկոլ Փաշինյանը ևս մեկ անգամ վերահաստատեց մայիսի 22-ի ասուլիսում հնչեցրած հայտարարությունը՝ «անկլավների» մասին։ Իսկ նա ասել էր, որ ճանաչելով Ադրբեջանի տարածքային ամբողջականությունը՝ 86.600 քկմ տարածքով, դրա մեջ մտնում են նաև, այսպես կոչված, «անկլավները», այդ թվում՝ հայկական Տիգրանաշենը։
Տավուշի մարզի Ոսկեպար գյուղի ղեկավար Իշխան Աղբալյանը 168.am-ի հետ զրույցում՝ արձագանքելով Բայրամովի հայտարարությանը, ասաց, որ Ադրբեջանին որևէ տարածք, գյուղ չունեն տալու։
Հայաստանի բարձրագույն ղեկավարությունը բազմիցս հայտարարել է, որ Ադրբեջանի հետ «խաղաղության պայմանագիր» ստորագրելու համատեքստում՝ երկու երկրները պետք է փոխադարձաբար ճանաչեն միմյանց տարածքային ամբողջականությունը:
