#Աստղ Գալեյան

«Մեր նպատակն է, որպեսզի անկախության օրը հող հանձնող «հայրենասերը» չայցելի հող պահող հայրենասերներին»,- 168.am-ի հետ զրույցում նշեց արցախյան 44-օրյա պատերազմում նահատակված Մխիթար Գալեյանի մայրը՝ Աստղ Գալեյանը։

Արցախյան 44-օրյա պատերազմում նահատակված Մխիթար Գալեյանի հոր՝ Գարիկ Գալեյանի առողջական վիճակը ստենդավորումից հետո բավարար է։ Այս մասին 168.am-ի հետ զրույցում ասաց Գարիկ Գալեյանի կինը՝ Աստղ Գալեյանը։

44–օրյա պատերազմում զոհված զինծառայող Մխիթար Գալեյանի հոր` Գարիկ Գալեյանի գործով հերթական դատական նիստից հետո նրա կինը՝ Աստղ Գալեյանը, 168.am-ի հարցադրումներին ի պատասխան՝ անդրադարձավ մեղադրանքի էությանը. «Բոլորս էլ հասկանում ենք, որ ամեն ինչը կատարվում է դիտավորյալ, վարկաբեկելու, սևացնելու մեզ՝ զոհված զինծառայողների ծնողներիս հատկապես»։

168.am-ի հետ զրույցում Մխիթար Գալեյանի մայրը՝ Աստղ Գալեյանը, ասաց, որ այս պահին Նիկոլ Փաշինյանի ասած ժողովրդավար երկրում բանտարկված է ոչ միայն իր ամուսինը՝ Գարիկ Գալեյանը, այլև Տաթև Վիրաբյանը, ով Արցախի ամբողջական հանձնումից հետո փողոց էր դուրս եկել՝ իր խոսքն ասելու։

«Եկել թմրամիջոցներ էին փնտրում, ինչը, բնականաբար, չգտան, որովհետև նման բան մեր տանը ո՛չ կա, ո՛չ էլ երբևէ եղել է»։

«Ոչ միայն Մխիթարիս ծնունդը, այլև մեր ծնունդները «Եռաբլուր»-ում ենք անցկացնում, ժամը 12-ին իր մոտ ենք լինում։ Մեզ համար «ծնունդ» բառը վերացել է, ուղղակի սիմվոլիկ գնում ենք Մխիթարիս տուն, մենք այդպես ենք համարում՝ իր տուն։ Մխիթարիս ընկերները, հարազատները, մեր բախտակից ծնողները գիշերը «Եռաբլուր»–ում ենք եղել, ժամը 3-ն էր՝ նոր տուն ենք եկել»։