«Կա՞ մարդ, ում ինչ-որ մի բան պետք է ապացուցել։ Կա՞ մարդ, որ պետք է դեռ հասկանա, որ այս շենքում նստած է մի նապաստակ, ով թուրքից է վախենում։ Կա՞ հայ, ով պետք է թուրքից վախեցողից վախենա։ Ժողովուրդ, եթե կա Նիկոլ, չկա Հայաստան, չկա Արցախ, չկա հայ ժողովուրդ։ Եթե կա Նիկոլ, թուրքը գալու է ազատ անցնի ու տեր կանգնի մեր երկրին»,- այսօր Հանրապետության հրապարակում Լեհաստանի նախկին դեսպան, ՍԴ աշխատակազմի նախկին ղեկավար Էդգար Ղազարյանի հրավիրած հանրահավաքին ասաց ռազմական և քաղաքական գործիչ Գևորգ Գևորգյանը՝ հավելելով, որ եթե երկրին տեր չենք կանգնում, այն մասնատելու են։
«Մենք Եռաբլուր այցելելու իրավունք պետք է վաստակենք». Էդգար Ղազարյան
44-օրյա պատերազմում նահատակված Հայկ Մելիքյանի մայրը՝ Նաիրա Մելիքյանը, այսօր Հանրապետության հրապարակում հայտարարեց, որ իր որդին և նրա մարտկոցի 20 զինվորները զոհվել են «Նիկոլ Փաշինյանի և նրա խունտայի կողմից հրահրված դավաճանական, ծախված պատերազմում», «հրամկազմի միտումնավոր ստեղծած քաոսի, սխալ հրամանների» արդյունքում:
Նիկոլ Փաշինյանի աշխատակազմի ներկայացուցիչը կառավարության շենքից նկարում է հանրահավաքը
«Այս կառավարությունն է մեր երեխաներին սպանել. արդարության համար ենք եկել». Գարիկ Գալեյան
Միանում ենք նախաձեռնությանը մեծ հույսերով. զոհված զինծառայողի մայր
Մենք պարտական ենք մեր նահատակներին, որ մեր երեխաներն ապրում են անկախ հայրենիքում. Էդգար Ղազարյան
Հանրապետության հրապարակում հնչում է ՀՀ պետական օրհներգը
«Այս խորհրդանշական օրը հավաքվել ենք՝ տեր կանգնելու մեր երկրին, մեր գանձին». Էդգար Ղազարյան
Հանրահավաքը մեկնարկել 1988-ի Արցախյան շարժման հիմնով
Ինքը խաբեց հայ ժողովրդին, պիտի գնա. ՀՀ քաղաքացի
Փաշինյան եմ ընտրել ու փոշմանել եմ. սրանից ավել էլ ի՞նչ լինի, մարդն իր տունն է այրում. ՀՀ քաղաքացի
«Արցախի ՊԲ-ն հրամանագրով լուծարված է, նրա 120.000-անոց բնակչությունն՝ անպաշտպան». Վոլոդյան Հովհաննիսյան
Էդգար Ղազարյանը շեշտեց, որ պետք է առանձնացնել Գերագույն խորհրդի նիստը՝ Անկախության հանրահավաքից. «Քաղաքական բաղադրիչը ես տեսնում եմ այստեղ՝ այս հրապարակում, և ԳԽ պատգամավորներից կան մարդիկ մեզ հետ հրապարակում»:
«Իմ մտահոգությունը մեր պետությունն է, մեր երկիրը, մեր ապագան է, մեր երեխեքն են, մեր հող ու ջուրն է, որ սենց կտոր-կտոր տալով գալիս ենք»,- այս մասին քիչ առաջ 168.am-ի հետ զրույցում ասաց Լեհաստանում Հայաստանի նախկին դեսպան, ՍԴ աշխատակազմի նախկին ղեկավար Էդգար Ղազարյանի հրավիրած հավաքին մասնակցող քաղաքացիներից մեկը:
Անկախության հանրահավաք՝ Հանրապետության հրապարակում. ՈւՂԻՂ
Իրավիճակը Հանրապետության հրապարակում. ՈՒՂԻՂ
«Տեսեք՝ ինչքան շատ ոստիկանական մեքենաներ կան». Էդգար Ղազարյանը՝ Հանրապետության հրապարակից
«Մեզ հետ կապ չեն հաստատել, որ հաստատեն հանդիպումը, դրա կոնկրետ ժամը, բայց ոչ էլ հայտնել են, որ այդ հանդիպումը չի կայանալու։ Կփորձենք տեղում պարզել այդ հանդիպման հնարավորությունը։ Տրամաբանությունը հուշում է, որ պետք է այդ հանդիպումը կայանա, եթե այլ գործչի պարագայում լիներ՝ միգուցե կարելի էր մտածել, որ չէ։
Հարցին՝ հավատո՞ւմ է, որ Նիկոլ Փաշինյանն այսօր հրաժարական կտա, նա պատասխանեց. «Իրադարձությունների զարգացման ընթացքն ամեն ինչ ցույց կտա, և ես գտնում եմ, որ Էդգար Ղազարյանի նախաձեռնությունը բավականին տրամաբանական, գրագետ, համակարգային, հիմնավորված բացատրություններով գործողություններ են: Ես չգիտեմ՝ Նիկոլը այսօր հրաժարական կտա՞, թե՞ ոչ, մեկ է, մի օր գնալու է և պատասխան է տալու Հայաստանում և Արցախում ստեղծված վիճակի համար»:
«Պատասխանատուն իրենք են, թող գնան Արցախում՝ բացատրեն, բարձրագոչ հայտարարություններ էին անում՝ Արցախը Հայաստան է, և վերջ: Նրանցից որևէ մեկին տեսե՞լ եք Արցախում: Մենք 2 անգամ նամակ ենք գրել ԱԺ նախագահ Ալեն Սիմոնյանին, որ անցկացնի Հայաստան-Արցախ միջխորհրդարանական հանձնաժողովի նիստ, ինչո՞ւ չեն այդ նիստերն անցկացնում: Ուղղակի հարց տվեք ԱԺ նախագահին՝ ինչո՞ւ դու քո պարտականությունները չես կատարում»:
«Մեր անկախությունն այսօր վտանգված է, վտանգված է մեր տարածքային ամբողջականությունը, մեր սահմանների անձեռնմխելիությունը, մեր ինքնիշխանությունը: Այսինքն՝ վտանգված է այն հենքը, որի շուրջ ձևավորվեց Անկախության հռչակագիրը: Հետևաբար, պետք է շատ հստակ գիտակցենք և դիմենք մեր հանրությանը, որ մենք կանգնած ենք անկախությունը վերանվաճելու անհրաժեշտության առջև»,- շեշտեց նա:
«Այսօր մենք նման ենք այն տղամարդուն, որի մայրը կամ հայրը աչքի առաջ թպրտում է, բայց մենք խոսում ենք, թե մայրիկի համար ինչ ենք արել», – այսպես բնորոշեց Հայաստանի ներկայիս վիճակը ԳԽ պատգամավոր Մանվել Եղիազարյանը՝ Անկախության հռչակագրի 32-րդ տարեդարձի կապակցությամբ այսօր հրավիրված ԳԽ պատգամավորական նիստի ժամանակ, հավելելով, որ մեր հայրենիքն այսօր հոգեվարքի մեջ է, տանուլ ենք տալիս այն․
ԳԽ նախկին պատգամավոր Ռաֆիկ Ղազինյանը Գերագույն խորհրդի նիստին նշեց, որ առավոտ շուտ արթնացել և Ալավերդուց հասել է Երևան, իսկ Երևանում և երևանամերձ տարածքներում ապրող իր շատ գործընկերներ չեն մասնակցում նիստին:
«Այս ամենագեշ մորեխների տարմը (տարմ, խումբ.- Ն․ Խ․) եկան և ի՞նչ արեցին Հայաստան հայրենիքը»,- ասաց ՀՀ գերագույն խորհրդի պատգամավոր, գրող Մերուժան Տեր-Գուլանյանը այսօր Անկախության հռչակագրի ընդունման 32-րդ տարեդարձի կապակցությամբ հրավիրված նիստի ընթացքում՝ անդրադառնալով ՀՀ գործող իշխանություններին։
«2018 թվականից հետո պարզ էր, որ Արցախը հանձնելու են Ադրբեջանին, բայց չգիտեինք, որ 5000 անմեղ զինվորի հետ»․ Ռուբեն Հակոբյան
ԳԽ նախկին պատգամավոր Ռուբեն Հակոբյանն այսօրվա Գերագույն խորհրդի նիստին նախ հայտարարեց, որ իր ելույթը ցավոտ է լինելու:
«Ո՞վ ես դու, Ռուբեն Ռուբինյան, որ ժողովրդի անունից ցավակցում ես Քըլըչին». Մեխակ Մխիթարյան
«Այսօր հավաքվել ենք նշելու Անկախության հռչակագրի 32-րդ տարեդարձը, բայց եկել ենք մի փոքր տագնապով, խորին մտահոգությամբ, եկել ենք նաև մեր փորձառությունը, մեր կոչը հնչեցնելու մեր ժողովրդին, համայն հայությանը, Արցախին և ասելու, որ մենք գտնվում ենք շատ վտանգավոր եզրափուլում»,- այսօր Անկախության հռչակագրի 32-րդ տարեդարձի կապակցությամբ հրավիրված նիստի ընթացքում ասաց ՀՀ գերագույն խորհրդի պատգամավոր Մեխակ Մխիթարյանը։
Մենք Անկախության հռչակագիրն ընդունեցինք, որ Հայաստանը չթողնենք ԽՍՀՄ փլատակների տակ. Ազատ Արշակյան
