Քաղաքականություն

Ներքևի նկարում իրական հանրահավաքն է: Տեսնես էս տղան՝ ՊՈԱԿ-ի Հովո անունով, լո՞ւրջ չի հասկանում ինչ է անում, թե՞ պարզապես կամիկաձե է: Անկեղծ`դեռ չեմ հասկացել:

168.am-ի տեղեկություններով` վարչապետ Նիկոլ Փաշինյանը մինչ ռազմական և անվտանգային հարցերով իր գլխավոր խորհրդական Վաղարշակ Հարությունյանին  Պաշտպանության նախարարի պաշտոնում նշանակելը այցելել է զինվորական հոսպիտալում գտնվող Արցախի ՊԲ արդեն նախկին հրամանատար Ջալալ Հարությունյանին։

Դեկտեմբերի 1-ից Հայաստան-Ադրբեջան սահմանը կերկարի 410 կմ-ով։ Այս մասին տելեգրամի իր ալիքում տեղեկություն է զետեղել քաղաքագետ Էդգար Էլբակյանը։

Երեկ ԵՊՀ գիտխորհուրդը 48 կողմ, 5 դեմ, 8 ձեռնպահ ձայների հարաբերակցությամբ ընդունեց հայտարարություն՝ պահանջելով վարչապետ Նիկոլ Փաշինյանի և ամբողջ կառավարության հրաժարականը։ ԵՊՀ Հայ գրականության պատմության ամբիոնի դասախոս, դոցենտ, բանասիրական գիտությունների թեկնածու Սերժ Սրապիոնյանը 168 TV-ի «Ռեվյու» հաղորդաշարի եթերում շատ կարևոր համարեց Մայր բուհի ընդունած այս հայտարարությունը՝ հիշեցնելով, որ պետության համար բոլոր կարևորագույն հարցերում ԵՊՀ-ն եղել […]

Ադրբեջանի գլխավոր դատախազությունը պաշտոնական դիմում է ուղարկել Ռուսաստանի և այլ երկրների իրավապահ մարմիններին՝ ՌԴ քաղաքացիներ Սեմյոն Պեգովի և Սեմյոն Բաղդասարովի նկատմամբ Ադրբեջանում հարուցված քրեական գործով քննչական միջոցառումներ իրականացնելուն իրավաբանական ցուցաբերելու խնդրանքով:

«Դատարանը Հայկ Մամիջանյանի ձերբակալությունը ճանաչեց ոչ իրավաչափ»։

Խայտառակ կապիտուլիացիայի պայմանագրով, Արցախի տարածքները թշնամուն հանձնելու պատճառով այսօր Ջանգեզուրն է դարձել սահմանամերձ։ Ավելին, մեր մարզի որոշ հատվածներ շուտով թշնամու վերահսկողության տակ կհայտնվեն։ Այս մասին իր ֆեյսբուքյան էջում գրել է Սյունիքի նախկին մարզպետ Սուրիկ Խաչատրյանը:

Թուրքիայի «Ժողովրդավարություն և առաջընթաց» կուսակցության նախագահ Ալի Բաբաջանը քննադատել է նախագահ Ռեջեփ Թայիփ Էրդողանին ու նրա կուսակիցներին: Նա ուշադրություն է հրավիրել Չաքըջըի կողմից (թուրքական մաֆիայի և հանցավոր կազմակերպության առաջնորդ) Ժողովրդահանրապետական կուսակցության նախագահ Քըլըչդարօղլուի հասցեին հնչեցրած սպառնալիքներին:

Վարչապետ Նիկոլ Փաշինյանն այսօր Պաշտպանության նախարարությունում ներկայացրեց նորանշանակ նախարար Վաղարշակ Հարությունյանին՝ նշելով, որ մենք պետք է լրջորեն վերլուծենք տեղի ունեցածը, հասկանանք, թե որտեղ ենք սխալվել, ինչու և ինչ պետք է անենք՝ հետևություններ անելու համար։ 168 TV-ի «Ռեվյու» հաղորդաշարի եթերում ՀՅԴ ԳՄ անդամ Արթուր Խաչատրյանը, անդրադառնալով վարչապետի այս դիտարկմանը,  հարց հնչեցրեց.

Այլևս կասկած չի հարուցում այն փաստը, որ Հայաստանում քաղաքական որոշում է եղել Շուշին հանձնել առանց մարտերի:

Արցախի Հանրապետությունը դե ֆակտո կայացած պետություն է, որի սահմանադրական տարածքների մեջ էին ներգրավված նախկին ԼՂԻՄ տարածքները և 1991-1994 թվականներին Բաքվի կողմից վարված  ցեղասպանական պատերազմի արդյունքում վերադարձված այն 7 շրջանները, որոնք Արցախից պոկվել էին 1921 թվականի հունիսի 6-ից հետո, երբ Արցախը  բռնակցվեց Խորհրդային Ադրբեջանին:

Պատերազմը թնդանոթների սիմֆոնիա է, պատերազմում պարտությունից հետո պատեհ է միայն ու բացառապես լռության սիմֆոնիան։
Բայց կապիտուլյացիոն համաձայնագիր ստորագրած Հայաստանում, արդեն տասն օրից ավելի, աղմուկ է։ Հակաբնական ու հակաբանական աղմուկ։ Աղմուկ, որի հեղինակն ու սադրողը մեկ մարդ է։ Այն մեկ մարդը, ով պետք է ապահովեր թնդանոթների սիմֆոնիան պատերազմում, բայց ապահովել է թնդանոթների լռությունը։ Լռություն, որը դարձել է երաշխավորված պարտության գրավականը։

Նոյեմբերի 19-ին ռուսաստանցի լրագրող Դենիս Կուլագային հաջողվել է  նկարահանել է ռուս խաղաղապահների հսկողության ներքո Շուշիից դուրս եկող ադրբեջանական զինուժի ավտոշարասյունը:

«2020թ. հունվարի վերջին Եվրոպայի խորհրդի (ԵԽ) Նախարարների կոմիտեի նիստ կար: 2016թ. սկսած՝ ամեն 6 ամիսը մեկ Ադրբեջանը Նախարարների կոմիտեի ամեն նիստին բարձրացնում էր ադրբեջանցի փախստականների՝ իրենց բնակության վայրերը վերադարձվելու հարցը: 2016թ.-ից ամեն 6 ամիսը մեկ մենք կարողանում էինք այնպես անել, որ այս հարցը կամ չէր քննարկվում, կամ քննարկվում էր, և ԵԽ Նախարարների կոմիտեի կողմից հետաձգվում էր»,- 168.аm-ի  «Պրեսսինգ» հաղորդաշարի հերթական թողարկման ընթացքում ասաց ՀՀ նախկին գլխավոր դատախազ, Մարդու իրավունքների եվրոպական դատարանում (ՄԻԵԴ) ՀՀ կառավարության նախկին ներկայացուցիչ Գևորգ Կոստանյանը՝ անդրադառնալով այն հարցին, թե ինչ նախանշաններ կային, որ պատերազմ է սկսվելու:

«Ինձ ձերբակալել են… Անկեղծ, չգիտեմ ինչի համար: Ես կարծում եմ, և ես այդ մասին նաև գրել եմ այդ ձերբակալման թղթի մեջ, որ դավաճան և թուրքի կոշիկներ լիզած իշխանությունը հիմա սարսափում է ժողովրդական ցասումից»,- Ձերբակալվածների պահման վայրից (ՁՊՎ) ազատ արձակվելուց հետո լրագրողների հետ զրույցում ասաց «ՎԵՏՕ» շարժման հիմնադիր Նարեկ Մալյանը:

Ճանապարհային քարտեզը պետք է հստակ պատասխանի՝ այս կամ այն խնդիրն ինչպե՞ս ենք լուծելու, ո՞վ կամ ովքե՞ր են լուծելու, ի՞նչ միջոցներով, ինչքա՞ն ժամանակում, ովքե՞ր են լինելու դրա պատասխանատուները: Նախագահական ինստիտուտը Հանրապետության նախագահի կողմից առաջարկվում է՝ որպես ժողովրդավարական ազատ հարթակ, որտեղ իշխանությունն ու ընդդիմությունը, որպես կողմեր, կարող են նստել մեկ սեղանի շուրջ, քննարկել  իրենց մոտեցումները: Այդ պարագայում Հանրապետության նախագահը պատրաստ է նրանց ներկայացնել իր ճանապարհային քարտեզը:

Անկասկած, նման հեղինակավոր պատվիրակության այցը՝ Լավրով-Շոյգու ձևաչափով, ցույց է տալիս, որ նրանք երկխոսության մեջ են մտել Փաշինյանի հետ, դա ցույց է տալիս, որ կարգավորվում է համագործակցությունը վարչապետի հետ, որի հրաժարականն են պահանջում ընդդիմադիր ուժերը։ Այցը կայանում է մի իրավիճակում, երբ Փաշինյանը վերափոխում է Կառավարության կազմը, փոխել է ԱԳՆ և ՊՆ ղեկավարներին, բայց սա ազգային միասնության կառավարություն չէ, ինչի կոչն անում էր ՀՀ նախագահ Արմեն Սարգսյանը։

Սենտ Էտիենի քաղաքային խորհուրդը Ֆրանսիայի կառավարությանը կոչ է անում անհապաղ ճանաչել Արցախի Հանրապետության անկախությունը:

«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանն այսօրվա հանրահավաքի ավարտին հետ լրագրողների հարցերին պատասխանելիս հույս հայտնեց, որ Ռուսաստանի Դաշնության հետ Հայաստանի իշխանությունները գոնե այս ժամանակահատվածում կկարողանան որոշակի հայանպաստ պայմաններ ապահովել բանակցային գործընթացում։

«Մենք եկել ենք  ամբողջությամբ որոշակի խնդիրներով: Գիտեք, որ ստորագրված հայտարարությունից հետո շատ արագ  տեղափոխեցինք այստեղ ողջ խաղաղապահ զորակազմը, որի տեղակայումն ավարտել ենք երեկ չէ առաջին օրը: Այս օրերի ընթացքում տեղակայվել ենք գործնականում Ղարաբաղի ամբողջ տարածքում` 23 դիտակետով, վերահսկում ենք Ստեփանակերտ տանող ճանապարհը, Լաչինի միջանցքը և ապահովում ենք տեղաշարժը, այնտեղից հեռացած փախստականների վերադարձը»,- ՀՀ Կառավարության մամուլի ծառայության փոխանցմամբ՝ այսօր Երևանում ՀՀ վարչապետ Նիկոլ Փաշինյանի հետ հանդիպմանն ասել է ՌԴ ՊՆ ղեկավար Սերգեյ Շոյգուն։ 

ՌԴ ԱԳ նախարար Սերգեյ Լավրովը ՀՀ կատարած այցի շրջանակում գոհունակություն է հայտնել ՀՀ նախագահի և քաղաքական գործիչներից շատերի դիրքորոշման առնչությամբ, որոնք վերջիններն արտահայտել են Ղարաբաղի շուրջ նոյեմբերի 9-ի հայտարարության կապակցությամբ։ Նա նաև նշել է, որ Ռուսաստանը հույս ունի, որ Մոսկվայի և Երևանի առևտրատնտեսական կապերը դրական դինամիկա կունենան։

«Նոյեմբերի 9-ի հայտարարությունը հնարավորություն է տալիս լուծելու  հարցերն այն պայմանավորվածությունների հիման վրա, որոնք արձանագրել էին երեք երկրների ղեկավարների  ստորագրած փաստաթղթում։ Առաջին հերթին դա վերաբերում է փախստականների վերադարձին և ներկայիս իրավիճակի հումանիտար բոլոր հարցերի լուծմանը»,- ՀՀ Կառավարության մամլո ծառայության հաղորդմամբ՝ ասել է  ՌԴ ԱԳՆ ղեկավար Սերգեյ Լավրովը ՀՀ վարչապետ Նիկոլ Փաշինյանի հետ հանդիպման ընթացքում։

Այսօր Ազատության հրապարակում ընդդիմադիր ուժերի հանրահավաքի ժամանակ ՀՅԴ անդամ, բժիշկ Տարոն Տոնոյանը դիմեց ԱԺ «Իմ քայլը» խմբակցության պատգամավոր Հովիկ Աղազարյանին, ով պատերազմի օրերին Երևանից ուղարկված դեղորայք էր տարել իրենց. «Հովի՛կ, դու հոկտեմբերի  2-ին եկել էիր մոտս, արկղեր կար, որ Երևանից ինձ էին ուղարկել, բժշկական պարագաներով, իր մեքենայից իջեցրեց, մեքենայի մեջ մի քանի բան մնաց, ասացի՝ բա էս ո՞ւր ես տանելու, ասաց՝ Ջաբրայիլ եմ տանելու:

Ռուսաստանի Դաշնության պաշտպանության նախարար Սերգեյ Շոյգուն վստահ է՝ Լեռնային Ղարաբաղում կրակի դադարեցման ռեժիմը կպահպանվի նաև առաջիկայում:

Հանրապետության նախագահ Արմեն Սարգսյանն այսօր հանդիպում է ունեցել Ռուսաստանի Դաշնության արտաքին գործերի նախարար Սերգեյ Լավրովի հետ:

ԱԺ «Իմ քայլը» խմբակցության պատգամավոր Հովիկ Աղազարյանը ֆեյսբուքյան իր էջում գրում է․ «Այսօր Ազատության հրապարակում ռազմական բժիշկ Տարոն Տոնոյանը հայտարարել է, որ ես դիրքերից փախցրել եմ Արարատի մարզպետարանի աշխատակցի եղբորը:

Եթե վարչապետի հետ հանդիպեր ՌԴ նախագահը կամ վարչապետը, այդ ժամանակ նոր կտեղադրվեր, բայց պաշտոնով ավելի ցածրի դեպքում չի տեղադրվում:

Արմեն Աշոտյանը ֆեյսբուքյան իր էջում գրում է․ «Այսօր պարզվեց, որ մինչեւ մեր տասնյակ հազարավոր տղաները առաջնագծում կռիվ էին տալիս, զոհվում, անդամահատվում, արյունահոսում, պատառոտվում եւ անհետ կորում, Ազգային Ժողովի իշխանական պատգամավոր Հովիկ Աղազարյանը իր ավտոմեքենայով Արցախից իշխանամերձ դասալիք էր փախցնում…

ՀՀ ԱԱԾ նախկին ղեկավար, գեներալ-լեյտենանտ Կառլոս Պետրոսյանը մեկնաբանել է Արցախում երրորդ պատերազմի արդյունքները և Հայաստանում ներկայիս քաղաքական իրավիճակը: Նրա տեսակետը հրապարակել է ռուսական EADaily գործակալությունը։

«Սա ինձ համար քաղաքականության հարց չէ, այլ արժանապատվության հարց է։ Անկախ նրանից, թե այստեղ ինչքան մարդ կհավաքվի՝ հազա՞ր, թե՞ հարյուր հազար, ամեն անգամ ես գալու եմ մեկ նպատակով, որ վաղն իմ ազգանունից չփախչեմ։ Ես ինձ հետ շատ անկեղծ եմ նրանում, որ համարում եմ, որ Նիկոլ Փաշինյանը վտանգ է։ Ես ազնիվ եմ ինձ հետ, նա վտանգ է, վտանգ է մեր երկրի, պետականության, մեր և մեր երեխաների վաղվա օրվա  համար, և, իհարկե, ինքը պետք է հեռանա»,- շեշտեց Մհեր Մկրտչյանը։