Լեռնային Ղարաբաղի Հանրապետության արտաքին գործերի նախարար Կարեն Միրզոյանը փետրվարի 20-ին ընդունել է Բրյուսելի շրջանային խորհրդարանի անդամ Սերժ դը Պատուլին և Վալոնիայի շրջանային խորհրդարանի պատգամավոր Բենուա Դրեզին, ովքեր Արցախ են ժամանել միջազգային դիտորդական առաքելությամբ` մասնակցելու ԼՂՀ նոր սահմանադրության նախագծի վերաբերյալ հանրաքվեին։
Նախագահ Բակո Սահակյանը փետրվարի 20-ին ընդունել է Սահմանադրական հանրաքվեի ընթացքում դիտորդական առաքելություն իրականացնելու նպատակով Արցախ ժամանած՝ Ֆրանսիայի, Գերմանիայի, Ավստրիայի, Իսպանիայի, Բասկերի Երկրի պատվիրակությունների անդամներին, որոնց կազմում էին խորհրդարանականներ, դիվանագետներ, քաղաքական գործիչներ, իրավագետներ, քաղաքացիական հասարակության ներկայացուցիչներ, լրագրողներ:
Լեռնային Ղարաբաղի Հանրապետությունում փետրվարի 20-ին մեկնարկել է Սահմանադրության փոփոխությունների նախագծի վերաբերյալ հանրաքվեն: Առավոտյան ժամը 8:00-ին, բացվել են 11 ընտրատարածքների 280 ընտրատեղամասեր, որից մեկը Երևանում՝ ՀՀ-ում գտնվող ԼՂՀ ներկայացուցչությունում, 1-ը՝ «Շուշի» քրեակատարողական հիմնարկում՝ կալանավորների համար:
Հայաստանին, անկասկած, դուր չի գալիս, որ Ադբեջանը սպառազինություն է գնում Ռուսաստանից, RIA Novosti-ին տված հարցազրույցում հայտարարել է ՀՀ ԱԳ նախարար Էդվարդ Նալբանդյանը։
Գործող կառավարման համակարգը կիսանախագահական է, որն ունի քաղաքական վտանգներ. դրանցից խուսափելու համար մենք ընտրել ենք կառավարման նախագահական համակարգը:
Երբ քաղաքական ուժերը նախաձեռնել են այս բարեփոխումները, նրանց նպատակը եղել է պարզ. այս քայլով մենք հետապնդում ենք լրացուցիչ հնարավորություններ ստեղծելու մեր երկրի զարգացման, հզորացման և շենացման համար:
«Այսօր մեր ազգային ազատագրական շարժման և պետականության վերակերտման սկիզբն է։ Սա քայլ առաջ է մեր պետականաշինության գործում»,- այսօր լրագրողների հետ զրույցում ասաց Բակո Սահակյանը։
Անդրադառնալով ԵԱՀԿ Մինսկի խմբի համանախագահների հայտարարությանը՝ ԼՂՀ վարչապետը մասնավորապես ասաց. «1988 թվականի փետրվարին մենք գիտեինք, որ միջազգային հանրության հետ կապված բարդ խնդիրներ ենք ունենալու։ Ամենակարևորն այն է, որ մենք այս սահմանադրական փոփոխություններն անում ենք առաջին հերթին մեզ համար, որպեսզի կարողանանք կառուցել այնպիսի երկիր, որտեղ ապրելը հաճելի լինի»,- ընդգծեց Հարությունյանը։
Ստեփանակերտի 3/8 ընտրատեղամասում Սահմանադրության փոփոխությունների հանրաքվեի մասնակցության մեծ ակտիվություն է նկատվում:
«Գերմանիայից եկած դիտորդական խումբը շատ բարձր գնահատեց ընտրության ընթացքը: Ընտրությանը մասնակցում են թե երիտասարդները, թե մեծահասակները: Որևէ խախտում դեռևս չի արձանագրվել»,- ընդգծեց Պետրոսյանը:
Ադրբեջանի նախագահ Իլհամ Ալիևը, Մյունխենի Անվտանգության գագաթաժողովի շրջանակում, ելույթ ունենալով Եվրասիայի խնդիրներին ու համագործակցության հարցերին նվիրված քննարկումների ժամանակ, հայտարարել է, որ Ղարաբաղյան հակամարտությունը վտանգ է ներկայացնում ողջ տարածաշրջանի համար։
Փետրվարի 19-ին և լույս 20-ի գիշերը ղարաբաղա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմի խախտել է շուրջ 55 անգամ՝ հայ դիրքապահների ուղղությամբ արձակելով ավելի քան 550 կրակոց:
Հանուն մեր արդար պայքարի հաղթանակի` սեփական կյանքը զոհեցին քաջ հայորդիներ, ովքեր իրենց անօրինակ խիզախությամբ ու սխրանքով գրեցին հայ ժողովրդի նորագույն պատմության հերոսական էջերը: Հավե~րժ փառք ու պատիվ հայրենիքի նվիրյալներին:
Լեռնային Ղարաբաղի Հանրապետությունում մեկնարկել է Սահմանադրության փոփոխությունների նախագծի վերաբերյալ հանրաքվեն: Փետրվարի 20-ին՝ առավոտյան ժամը 8:00-ին, բացվել են 11 ընտրատարածքների 280 ընտրատեղամասեր, որից մեկը Երևանում՝ ՀՀ-ում գտնվող ԼՂՀ ներկայացուցչությունում, 1-ը՝ «Շուշի» քրեակատարողական հիմնարկում՝ կալանավորների համար: Հանրաքվեին մասնակցելու իրավունք ունի 102 հազար 757 քաղաքացի:
Այսօր՝ օրվա երկրորդ կեսին, Արցախի Հանրապետության խորհրդարանի նախագահ Աշոտ Ղուլյանն ընդունել է Եվրոպական խորհրդարանի պատգամավոր Էլենի Թեոխարիուսին (Կիպրոս) և «Համերաշխության շարժում» քաղաքական կուսակցության կենտրոնական գրասենյակի նախագահ Յանիս Սելինոպուլոսին:
Լեռնային Ղարաբաղի Հանրապետության Ազգային ժողովի նախագահ Աշոտ Ղուլյանը փետրվարի 19-ին ընդունել է Աբխազիայի խորհրդարանական պատվիրակությանը՝ Ժողովրդական Ժողովի փոխխոսնակ Էմմա Գամիսոնիային և պատգամավորներ՝ Ախրա Պաչուլիային ու Լևոն Գալստյանին, ովքեր Ստեփանակերտ են ժամանել Արցախի Հանրապետության Սահմանադրության նախագծի հանրաքվեին դիտորդական առաքելություն իրականացնելու նպատակով:
Եվրոպայում անվտանգության և համագործակցության կազմակերպության գլխավոր քարտուղար Լամբերտո Զանիերը ծավալուն հարցազրույց է տվել ռուսական TASS գործակալությանը, որտեղ անդրադարձել է նաև Լեռնային Ղարաբաղի հակամարտության կարգավորման խնդրին:
Ադրբեջանի նախագահ Իլհամ Ալիևը երեկ Մյունխենի Անվտանգության համաժողովի շրջանակում ՄԱԿ-ի գլխավոր քարտուղար Անտոնիո Գուտյերեշի հետ հանդիպմանը քննարկել է Լեռնային Ղարաբաղի հակամարտությունը՝ հայտարարելով տարածաշրջանում խաղաղապահներ տեղակայելու անհրաժեշտության մասին, հայտնում է RIA Novosti-ն:
Փետրվարի 18-ին և լույս 19-ի գիշերը ղարաբաղա-ադրբեջանական հակամարտ զորքերի շփման գծում հակառակորդը հիմնականում տարբեր տրամաչափի հրաձգային զինատեսակներից հրադադարի պահպանման ռեժիմի խախտել է շուրջ 35 անգամ՝ հայ դիրքապահների ուղղությամբ արձակելով ավելի քան 300 կրակոց:
Փետրվարի 18-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանն ընդունել է դիտորդական առաքելությամբ ԱՄՆ-ից Արցախ ժամանած պատվիրակությանը, որի կազմում են Կալիֆորնիա նահանգի Ֆրեզնո շրջանի վարչական մարմնի անդամ Անդրեաս Բորգեասը, Կալիֆորնիա նահանգի Սանտա Կրուզ շրջանի ընտրությունների հարցերով պատասխանատու Գեյլ Պելլերինը և Կալիֆորնիայի Բերկլի համալսարանի ընտրությունների կառավարման հետազոտությունների կենտրոնի տնօրեն Կարին ՄակԴոնալդը։
Նախագահ Բակո Սահակյանը փետրվարի 18-ին ընդունել է Սահմանադրական հանրաքվեի ընթացքում դիտորդական առաքելություն իրականացնելու նպատակով Արցախ ժամանած՝ Լատվիայի, Սլովենիայի, Իսպանիայի, Մեծ Բրիտանիայի, Ռումինիայի, Սլովակիայի, Բելգիայի պատվիրակությունների անդամներին, որոնց կազմում էին իրավագետներ, քաղաքացիական հասարակության ներկայացուցիչներ, լրագրողներ:
Նախագահ Բակո Սահակյանը փետրվարի 18-ին ընդունել է Սահմանադրական հանրաքվեի ընթացքում դիտորդական առաքելություն իրականացնելու նպատակով Արցախ ժամանած Բոլիվիայի Պատգամավորների պալատի անդամներին:
«ԼՂ հակամարտությունը չեն տեղափոխում ՌԴ-ԱՄՆ հարաբերությունների կոնտեքստ»,- 168.am-ի հետ զրույցում այս մասին ասաց գերմանացի վերլուծաբան Սյուզան Ստյուարտը՝ անդրադառնալով ռուս-ամերիկյան հարաբերությունների ապագային և դրա ազդեցությանը տարածաշրջանային հակամարտությունների վրա:
Լեռնային Ղարաբաղի Հանրապետությունում նախատեսված սահմանադրական հանրաքվեն չի որոշում ԼՂ կարգավիճակը: Այս մասին թվիթերյան իր միկրոբլոգում գրել է ՀՀ արտաքին գործերի նախարարի տեղակալ Շավարշ Քոչարյանը:
«Ադրբեջանի ղեկավարն իր ոճի մեջ է. հիշատակում է այն, ինչ չի եղել, խոսում է նրանից, ինչ չկա, և հավակնում է նրան, ինչ չի լինելու: Դրանով 99 տարի առաջ աշխարհի քարտեզի վրա առաջին անգամ հայտնված Ադրբեջան պետության տարիքը ոչ մի կերպ չի ավելանա»,- ասաց Քոչարյանը:
Փետրվարի 18-ին՝ ժամը 11.45-ի սահմաններում ՊԲ հարավային ուղղության զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ժամկետային զինծառայող, 1998թ. ծնված Լեռնիկ Ալեքսանդրի Օսյանը:
ՊԲ առաջապահ զորամասերը տիրապետում են օպերատիվ-մարտավարական իրադրությանը և շարունակում իրականացնել մարտական դիրքերի հուսալի պահպանություն:
«Մինչ Լեռնային Ղարաբաղը համեստորեն է խոսում այն մասին, արդյո՞ք նոր զենքն անմիջական օգուտ կբերի իր զինված ուժերին, տարածաշրջանային փորձագետները կարծում են, որ ռազմական տեխնիկան ինչ-որ պահի կճանապարհվի դեպի դե-ֆակտո անկախ Լեռնային Ղարաբաղի Հանրապետություն»,- գրում է հեղինակը:
Ռուսաստանը չի կարծում, որ Լեռնային Ղարաբաղի շուրջ խաղաղ կարգավորումը կարող է կախված լինել ԼՂ-ում պլանավորված «սահմանադրական հանրաքվեի» անցկացումից, այս մասին հայտնում է TASS-ը՝ վկայակոչելով ՌԴ ԱԳՆ-ին։
Փետրվարի 20-ին կայանալիք ԼՂՀ նոր Սահմանադրության նախագծի հանրաքվեի կապակցությամբ Արցախ կժամանեն մեծ թվով միջազգային դիտորդներ:
