«Անհրաժեշտ կլինեն փոխզիջումներ». Լավրով
Պաղեստինյան պետության տարածքը սահմանելիս անհրաժեշտ կլինեն փոխզիջումներ, սակայն Արևմտյան ափին մունիցիպալիտետների ստեղծումը լուծում չէ: Այս մասին, ինչպես հաղորդում է РИА Новости-ն, հայտարարել է Ռուսաստանի արտաքին գործերի նախարար Սերգեյ Լավրովը։
«Ես չեմ կարծում, որ մունիցիպալիտետների կամ որևէ կիսապետական կառույցների ստեղծումը արաբական աշխարհում, և հատկապես պաղեստինցիների կողմից, կհամարվի բավարար արդյունք գրեթե 80-ամյա այս դրամայի համար։ Անհրաժեշտ կլինեն փոխզիջումներ. դրանում ես կասկած չունեմ»,- ասել է Լավրովը արաբ լրագրողների հետ հանդիպման ժամանակ։
