Զոհրաբ Մնացականյանի հարցազրույցը՝ գրեթե 11 ժամ տևած մոսկովյան բանակցությունից հետո․ 1TV
Արցախի Հանրապետության նախագահ Արայիկ Հարությունյանը մի քանի ժամով հետաձգել է հոկտեմբերի 10-ին նախատեսված ասուլիսը։ «Հաշվի առնելով Ռուսաստանի Դաշնության ակտիվ միջնորդությամբ Մոսկվայում ձեռք բերված հումանիտար հրադադարի մասին պայմանավորվածությունը, որը կսկսի գործել ժամը 12:00-ից, և այդ ուղղությամբ տարվող աշխատանքները՝ իմ ` ժամը 10:00-ին նախատեսված մամլո ասուլիսը կանցկացվի ժամը 17:00-ին»,- տեղեկացնում է Արցախի նախագահը սոցիալական ցանցի իր էջում։
ՀՀ Արտաքին գործերի նախարար Զոհրաբ Մնացականյանը մանրամասներ է ներկայացրել Մոսկվայում Ադրբեջանի և Ռուսաստանի ԱԳ նախարարների հետ շուրջ 11 ժամ ունեցած բանակցություններից: Մնացականյանը Հանրային հեռուստաընկերության «Լուրեր» լրատվականին տված մեկնաբանությունում նշել է, որ գործընթացը բավական բարդ էր:
Արցախի և Ադրբեջանի հակամարտ զորքերի շփման գծում հաստատվում է հրադադար: Այս մասին պայմանավորվածություն է ձեռք բերվել Մոսկվայում Հայաստանի, Ադրբեջանի և Ռուսաստանի արտաքին գործերի նախարարների հանդիպման արդյունքում: Այս մասին հայտարարել է ՌԴ ԱԳ նախարար Սերգեյ Լավրովը:
Քիչ առաջ Մոսկվայում՝ ՌԴ ԱԳՆ ընդունելությունների տանը կրկին ընդմիջվեց Հայաստանի, Ռուսաստանի և Ադրբեջանի ԱԳ նախարարներ Զոհրաբ Մնացականյանի, Սերգեյ Լավրովի ու Ջեյհուն Բայրամովի հանդիպումը, որը շարունակվում է արդեն 7 ժամից ավելի։ Նախատեսվում էր, որ նախարարները հանդիպման արդյունքները կներկայացնեն ճեպազրույցի ընթացքում, սակայն այս պահին հանդիպումը ընդմիջվում է 10-15 րոպեով շարունակելու ակնկալիքով։ Այլ մանրամասներ դեռ հայտնի չեն։
Հայաստանի, Ռուսաստանի և Ադրբեջանի ԱԳ նախարարները ներկայացնում են բանակցությունների արդյունքները․ ՈՒՂԻՂ
Կիպրոսի խորհրդարանը միաձայն ընդունել է Արցախի դեմ ադրբեջանական ագրեսիան դատապարտող բանաձև: Այս մասին «Ֆեյսբուք»-ի իր էջում գրել է «Իմ քայլը» խմբակցության պատգամավոր, Հայաստանի Ազգային ժողովի եւ Կիպրոսի ներկայացուցիչների պալատի միջև համագործակցության միջխորհրդարանական հանձնաժողովի նախագահ Մխիթար Հայրապետյանը:
«Մենք լրջագույն թշնամու ենք դիմակայում: Ուղղակի ֆանտաստիկ գործ է անում մեր զինվորականությունը: Սա հպարտության զգացողություն է ներշնչում, մեր ազգային ինքնագիտակցության մեջ էլ դրական տեղաշարժեր են տեղի ունենում՝ մեր հավաքական ինքնագնահատականը բարձրանում է, մեր մեջ արթնանում է հնուց հայ մարդու մեջ դրված այն զգացողությունը, որ հայ զինվորականն անպարտելի է»,- 168TV-ի «Ռեվյու» հաղորդման ընթացքում ասաց հոգեբան Կարինե Նալչաջյանը՝ նկատելով, որ այդ անպարտելի լինելու զգացողությանը միանգամից միախառնվում է վիշտը:
Հաշվի առնելով Ադրբեջանի նախագահ Իլհամ Ալիևի հայտարարությունները և վերլուծելով վերջին իրադարձությունները, ՀՀ ՊՆ ներկայացուցիչ Արծրուն Հովհաննիսյանը եկել է այն եզրահանգման, որ Ադրբեջանում ռազմավարական կառավարման համակարգը խաթարված է։
Նիդերլանդների Թագավորության Սոցիալիստական կուսակցության (SP) անդամ Սադեթ Կարաբուլութի նախաձեռնությամբ ընդունել է է չորրորդ բանաձևը Ադրբեջանի և Թուրքիայի ագրեսիայի վերաբերյալ, որով հորդորել է կոչ է անում կառավարությանը դատապարտել Թուրքիայի ռազմական հռետորաբանությունը և ԵՄ-ի համատեքստում Թուրքիային կոչ անել աշխատել հրադադարի և բանակցությունների ուղղությամբ:
Անթույլատրելի է, որ 21-րդ դարում մենք ականատես ենք լինում Ադրբեջանի կողմից նման վայրագությունների, ցավալի է, որ այս դարում մի կողմ են դրվել դիվանագիտական և քաղաքական գործիքներն, ու այդ պետությունն իրեն իրավունք է վերապահում ուժի կիրառմամբ, սպառնալիքով և շանտաժով հարցերը լուծել, իհարկե, բնական է, որ նման քայլը ստանալու էր շատ լուրջ պատասխան։ 168 TV-ի «Ռեվյու» հաղորդաշարի եթերում ասաց ՀՀ նախագահ Արմեն Սարգսյանի օգնական Գևորգ Մելիքյանը։
«Իմ աչքերով տեսա նաև Շուշիի եկեղեցու համապատասխան վնասվածքը։ Ըստ էության, եկեղեցու մեկ հատվածին ուղիղ, դիպուկ, նույնիսկ` գերճգրիտ հարված է հասցվել երկու անգամ»:
Ջավախահայությունը մեծ թափով շարունակում է Արցախին օգնելու գործընթացը:
Միավորված ազգերի կազմակերպությունն ակնկալում է, որ ՌԴ արտաքին գործերի նախարար Սերգեյ Լավրովի մասնակցությամբ Հայաստանի և Ադրբեջանի ԱԳ նախարարներ Զոհրաբ Մնացականյանի ու Ջեյհուն Բայրամովի հանդիպումը կբերի ռազմական գործողությունների դադարեցման:
Իտալիայի Միլան քաղաքում հայկական համայնքը բազմամարդ ցույց և դրամահավաք է կազմակերպել՝ Արցախին աջակցելու համար։
Արծրուն Հովհաննիսյանը ներկայացնում է օրվա ռազմական իրադրությունը` Ուղիղ
Նիդերլանդների սոցիալիստական կուսակցության (SP) խորհրդարանի ստորին պալատը կոչ է անում վերականգնել հրադադարը Ադրբեջանի և Հայաստանի միջև:
Լեռնանման տղերքի հաղթանակը լեռներում
«Պետք է մի քանի անգամ բարձրանա մեր զգոնությունը. պետք է գիտակցենք, թե ով է մեր թշնամին: Հումանիտար հրադադարը կարող է լինել 1, 2 կամ 3 օր, բայց դրանից հետո մեր թշնամին անպայման ցանկություն է հայտնելու ինչ-որ վնասներ տալ: Այդ պատճառով ոչ միայն զգոնությունը պետք է չթուլանա, այլև ձեռք բերված ժամանակահատվածը մենք պետք է օգտագործենք շատ ավելի խելացի ձևով՝ մեր ուժերը հավաքելու, վերադասավորումներ անելու և համապատասխան բոլոր գործողությունները կատարելու համար: Ամեն վայրկյան պետք է սպասենք, հենց որ թշնամին որևէ գործողություն իրականացնի, ճիշտ ձևով թիրախավորենք և ջարդենք նրան»,- նշեց քաղաքագետը:
Պատասխանը շատ պարզ է: 1994 թվականին, պատերազմի ավարտից հետո, երբ հրադադար էր հաստատվել, քննարկումներ կային, թե պե՞տք է արդյոք Հայաստանը ճանաչի և այլ երկրների հորդորի ճանաչել Լեռնային Ղարաբաղի անկախությունը: Հայկական կողմը, հաշվի առնելով, որ բանակցային գործընթաց կար՝ Մինսկի խմբի երեք համանախագահողների միջնորդությամբ, զսպվածություն է ցուցաբերել՝ այդ կերպ հնարավորություն տալով, որ բանակցությունները հանգեցնեն Լեռնային Ղարաբաղի կարգավիճակի վերջնական լուծման: Սակայն եթե պատերազմը շարունակվի, հնարավոր է, որ Հայաստանին այլ ընտրություն չմնա, քան Լեռնային Ղարաբաղի անկախության ճանաչումը և միջազգային հանրությանը հորդորելը՝ նույնպես ճանաչել այն:
ԱԺ «Իմ քայլը» խմբակցության պատգամավոր, ադրբեջանագետ Տաթևիկ Հայրապետյանի խոսքով՝ հստակ արձանագրված է, որ ադրբեջանական կողմն է սկսել ռազմական գործողությունները, նաև, որ այդ գործողություններում ներգրավված է Թուրքիան։ Ռազմական գործողություններում ներգրավված են նաև ահաբեկիչներ, որը վտանգում է ոչ միայն Արցախի ժողովրդի, այլև տարածաշրջանի անվտանգությունը։
Որպեսզի գնահատենք, թե ինչ խնդիր է դրել Ադրբեջանն իր առջեւ սկսելով այս մարտական գործողությունները, պետք է դա անպայման կապենք Թուրքիայի հետ: Այս մասին «Զինուժ» հաղորդաշարի ժամանակ ասել է ՀՀ վարչապետ Նիկոլ Փաշինյանի խորհրդական, գեներալ-լեյտենանտ Վաղարշակ Հարությունյանը՝ պատասխանելով հարցին՝ ինչ գերխնդիր ուներ Ադրբեջանն ի սկզբանե այսպիսի լայնածավալ մարտական գործողություններ սանձազերծելիս եւ ինչի կարողացավ հասնել անցած 12 օրերի ընթացքում:
Կարծում եմ, որ դա արդեն ապացուցված փաստ է, և սա հիմնավորելու համար պետք է պարզապես նայել ուղղակի հրապարակային հայտարարությունները: Էլ չեմ ասում, որ Նյու Յորք Թայմսը երեկ հրապարակեց թուրքական F-16 ինքնաթիռների առկայությունը Գյանջայի օդանավակայանում: Մենք ահազանգում էինք այս ընթացքում, որ թուրքական F-16-երը ներգրավված են ռազմական գործողությունների մեջ և դա հերքվում էր, բայց, ի վերջո, փաստացի ապացուցվեց:
Ռուսական Wargonzo նախագծի լրագրողները տելեգրամի ալիքում լուսանկար են հրապարակել Հադրութից՝ «Ինչ-որ մեկը Հադրութն է վերցրե՞լ» մեկնաբանությամբ:
168 TV ԼՐԱՀՈՍ
Գերմանիայի Բունդեսթագի Գերմանիա֊-Հարավային Կովկաս բարեկամության խմբի փոխնախագահ, ՔԴՄ խմբակցության ներկայացուցիչ Ալբերտ Վայլերը հանդես է եկել հայտարարությամբ, որով խստորեն դատապարտել է Ադրբեջանի զինված ուժերի կողմից Շուշիի Ղազանչեցոց եկեղեցու թիրախավորումը: Նա ընդգծել է, որ Աստծո տները ռմբակոծելը բարբարոսություն է և պատերազմական հանցագործություն։
ՄԱԿ-ի Մարդու իրավունքների հարցերով գերագույն հանձնակատար Միշել Բաչելետը Լեռնային Ղարաբաղի հակամարտության կողմերին կոչ է արել պահպանել մարդասիրական իրավունքը, զերծ մնալ քաղաքացիական բնակչությանը եւ ենթակառուցվածքներին վնաս հասցնելուց:
Արծրուն Հովհաննիսյանը ֆեյսբուքյան իր էջում գրում է․ «Ես հենց հիմա Հադրութում եմ և չգիտես ինչու մենակ հայերի եմ տեսնում»։
«Սուրենը մեր շատ լավ տղան էր, ազնվության մարմնավորում էր, մեր աչքի առաջ մեծացած, մեր տղան, մենք միշտ Սուրենին այդպես ենք ասել, որ Սուրենը մեր տղան է»,- Արցախում զոհված 26-ամյա Սուրեն Հայկի Սահրադյանին 168.am-ի հետ զրույցում այսպես ներկայացրեց Արմավիրի մարզի Լեռնագոգի համայնքապետարանի աշխատակիցը:
Արցախի Հադրութ քաղաքը գրավելու մասին Ադրբեջանի նախագահ Իլհամ Ալիևի հայտարարությունը բացարձակ սուտ է:
