Ներքին Չարբախում 6-ամյա երեխա է այրվել․ ոստիականությունը մանրամասներ և տեսանյութ է հրապարակել
Հուլիսի 30-ին, ժամը 11:02-ին «911» ծառայությանն ահազանգ է ստացվել, որ Երևան քաղաքի Ներքին Չարբախ թաղամասի զինվորական հավաքակայանի մոտ այրվում է կուտակած անասնակեր, կա տուժած:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երեք մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հրահանգիչը:
Հրդեհը մեկուսացվել է ժամը 11:31-ին, մարվել՝ 11:58-ին: Տան բակում այրվել է կուտակած անասնակեր (8 խմ) և անասնագոմի տանիքից 1 քմ հատված:
Փրկարարները Ներքին Չարբախ թաղամասի 9-րդ կմ-ի տներից մեկի բակում հայտնաբերել են Գ. Թ.-ի (ծնված 2012 թ.) դին: Հոգեբանական աջակցության բաժնի հրահանգիչը զոհվածի ընտանիքի անդամներին ցուցաբերել է հոգեբանական աջակցություն:
