«Անձամբ ինձ հետ նման խոսակցություն չի եղել». Արթուր Դավթյանը՝ իրավապահներից Նիկոլ Փաշինյանի դժգոհության մասին
«Անձամբ ինձ հետ նման խոսակցություն չի եղել։ Կարծում եմ՝ դա վարչապետն ինքը կմեկնաբանի»,- այսօր կառավարությունում լրագրողների հետ զրույցում հայտարարեց ՀՀ գլխավոր դատախազ Արթուր Դավթյանը՝ անդրադառնալով ՀՀ վարչապետ Նիկոլ Փաշինյանի հայտարարությանը, որ իրավապահներից այդքան էլ գոհ չէ, թերացումներ կան, և, եթե այսպես շարունակվի, հնարավոր են փոփոխություններ։
Հարցին՝ վարչապետը դժգոհե՞լ է Դավթյանի աշխատանքից, գլխավոր դատախազը պատասխանեց. «Ինձ էդպիսի բան չի ներկայացրել վարչապետը»։
