«Այս մրցաշարը Մխիթարյանինն է». Հարգրիվս
Անգլիական «Մանչեսթեր Յունայթեդի» նախկին ֆուտբոլիստ Օուեն Հարգրիվսին շատ է դուր եղել Մխիթարյանի խաղը՝ Եվրոպա լիգայի քառորդ եզրափակչում, որտեղ հայ ֆուտբոլիստը դարձավ միակ գոլի հեղինակը:
Մխիթարյանը խփեց իր գոլը՝ արձագանքելով Զլատան Իբրահիմովիչի՝ դարպասին կատարած հարվածին: Հարգրիվսը նշել է, որ սա Մխիթարյանի հրաշալի ռեակցիայի արդյունքն է:
«Սեյվը շատ լավն էր, բայց Մխիթարյանի ռեակցիան ևս հրաշալի էր: Այս մրցաշրջանը Մխիթարյանինն է»,- նշել է Հարգրիվսը:
Սիրարփի Աղաբաբյան
