Մերկելի կուսակցությունը հաղթել է Սաարի երկրամասում կայացած ընտրություններում
Քրիստոնեադեմոկրատական միությունը (ՔԴՄ), որի նախագահը Գերմանիայի կանցլեր Անգելա Մերկելն է, ավելի քան համոզիչ հաղթանակ է տարել Սաարի Ֆեդերալ Երկրամասի լանդտագի (երկրամասի խորհրդարան) ընտրություններում: Այս մասին վկայում են ARD հեռուստաալիքի ներկայացրած ելքահարցումները:
ՔԴՄ-ն հավաքում է շուրջ 40 տոկոս, մինչդեռ սորցիալդեմոկրատներն ստանում են ընդամենը մոտավորապես 30 տոկոս: Ընդրողների մասնակցությունը կազմել է 71 տոկոս եւ եղել է գրեթե 10 տոկոսով ավելի, քան 2012 թվականին: Ընտրություններին մասնակցելու իրավունք ուներ շուրջ 800 հազար մարդ:
Այսպիսով, Սաարում, ամենայն հավանականությամբ, իշխանության գլուխ կմնա «մեծ կոալիցիան (ՔԴՄ եւ ԳՍԴԿ): Գերմանիայի սոցիալդեմոկրատական կուսացությունը (ԳՍԴԿ) պարտություն էր կրել Մարտին Շուլցի օրոք անցկացված առաջին ընտրություններում, որը պաշտոնապես կուսակցության նախագահ է դարձել մարտի 19-ին:
Այսպես կոչված Շուլցի Էֆեկտը, որն դրսեւորվում էր սոցիալդեմոկրատների վարկանիշի հետեւողական աճով, չարդարացավ: ԳՍԴԿ-ի առաջնորդն ընդունել է կուսակցության պարտությունը: «Մենք այս երեկո չհասանք նպատակին»,-հայտարարել է նա ՑԴՖ հեռուսաալիքի եթերում: Սաարը գտնվում է Գերմանիայի հարավ արեւմուտքում: Դա Գերմանիայի՝ տարածությամբ ամենափոքր ֆեդերալ երկրամասն է, եթե հաշվի
չառնենք երկրամասքաղաքները՝ Բեռլինը, Բրեմենը եւ Համբուրգը: Սաարում մեկ միլիոնից փոքրինչ պակաս մարդ է բնակվում: Եվ այնուամենայնիվ այս երկրամասում տարածաշրջանային ընտրությունները համարվում են գերմանական կուսակցությունների համար առաջին կարեւոր թեստը Բունդեստագի ընտրությունների տարում, որոնք կկայանան սեպտեմբերի 24-ին, հաղորդել է ՏԱՍՍ-ը:
Լուսանկարը` AP
