Զորականցի Գարիկ Մովսիսյանը զոհվել է,երբ օգնության է շտապել մարտական ընկերոջը
tesankyun.am. Մայիսի 2-ին Տավուշի մարզի Զորական գյուղում կայացավ Լեռնային Ղարաբաղում զոհված 19-ամյա Գարիկ Մնացականի Մովսիսյանի հուղարկավորությունը: Նա շուրջ մեկ տարի էր ծառայել:
Զորականում բնակվում են Դաշտային Ղարաբաղի Շամխորի շրջանի Չարդախլու գյուղից վերաբնակվածները: Զորականի գյուղապետ Սուրեն Մարտիրոսյանը հայտնել է, որ Գարիկի ընտանիքը սոցիալապես բարվոք վիճակում չէ, հայրը բանվոր-շինարար է, Գարիկը ավագ եղբայր ունի, քույրը 21 տարի առաջ բուտուլիզմից մահացել է:
Գյուղապետն ասել է, որ կրտսեր սերժանտ Գարիկ Մովսիսյանը զոհվել է, երբ վերականգնել է դիրքերի միջեւ հեռախոսային կապը, նա օգնել է վիրավոր ծառայակից ընկերոջը:
