Գերմանացիների մեծ մասը ցանկանում է, որ Մերկելը չորրորդ անգամ դառնա Գերմանիայի կանցլեր
Բրիտանական Reuters լրատվական գործակալության փոխանցմամբ՝ Գերմանիայի քաղաքացիների մեծ մասը ցանկանում է, որ կանցլեր Անգելա Մերկելն այդ պաշտոնում առաջադրվի չորրորդ անգամ: Այդ մասին են վկայել Emnid ընկերության հարցման արդյունքները:
Գերմանացիների 56 տոկոսը կնախընտրեր, որ Անգելա Մերկելը մասնակցեր առաջիկա ընտրություններին: Սակայն հարցվածների գրեթե 75 տոկոսը կարծում է, որ Մերկելը զբաղեցրած պաշտոնը կլքի 2017 թվականին:
2013 թվականին էլ շատերը կարծել էին, որ Մերկելը Գերմանիայի կանցլերի պաշտոնին հրաժեշտ կտա իր երրորդ ժամկետի կեսերին: Սրանից առաջ Անգելա Մերկելը Գերմանիայի կանցլեր է ընտրվել 2005, 2009 և 2013 թվականներին:
