Սահմանամերձ գյուղերին բնակիչներին պետք է զինել. Հրանտ Բագրատյան
ԱԺ պատգամավոր Հրանտ Բագրատյանը Facebook-ի իր էջում անդրադարձել է սահմանամերձ գյուղերի բնակչությանը զինել-չզինելու հարցին։
«Խնդրահարույց է դարձել սահմանամերձ գյուղերի բնակչությանը զինել-չզինելը։ Ընդ որում ՀՀ իշխանությունները, ըստ մամուլի հաղորդագրության, դրան դեմ են։ Այս կապակցությամբ հիշատակում եմ 2013-ի նախագահական ընտրություններին իբրև թեկնածու իմ բանակային ծրագրից (ի դեպ, միակն եմ եղել, որ բանակային ծրագիր է ներկայացրել) հետևյալ միտքը. սահմանային գյուղերի բնակիչներին պետք է զինել և ամրագրել որոշակի զինական պարտականություններ։ Մշտապես։ Դրա համար նրանց պետք է ամսական փոքրիկ վարձատրություն նախաատեսել։ Վարձատրության չափերը պետք է բազմապատկել պատերազմական գործողությունների ժամանակ»,- գրել է Բագրատյանը։
