Վարչապետը հանդիմանեց նախարարներին
Արտերկրներում ՀՀ դեսպանները ՀՀ վարչապետ Հովիկ Աբրահամյանի հետ հանդիպմանը դժգոհել են ՀՀ նախարարներից՝ նշելով, որ նրանք չեն ներկայացնում ներդրումային ծրագրեր և իրենց առաջարկներն անուշադրության են մատնում:
Այսօր կառավարության նիստում Հ.Աբրահամյանը նախարարներին հանդիմանեց վատ աշխատանքի համար:
Վարչապետը շեշտեց, որ դեսպանների պարտականությունների շրջանակում է այլ երկրներից ներդրումների ներգրավումը Հայաստան, իսկ դրա համար նրանց հարկավոր են ներդրումային առաջարկություններ նախարարություններից, որոնք չկան. «Իրենք, եթե հանդիպում են ներդրողներին, պետք է ունենան ծրագրեր:
Համապատսախն նախարարները պետք է մտածեն դեսպաններին լիարժեք ներդրումային ծրագրեր տրամադրելու մասին»: Վարչապետը կառավարության անդամներին հանձնարարեց ներդրումային ծրագրեր մշակել և ԱԳՆ-ի միջոցով ներկայացնել դեսպաններին:
