Տնամերձ հողամասից հայտնաբերվել է կանեփի 49 թուփ
Ոստիկանության Կոտայքի քննչական բաժանմունքում քննվող մի քրեական գործի շրջանակներում, Կոտայքի մարզի ընդհանուր իրավասության դատարանի որոշման համաձայն, խուզարկություն է կատարվել Ձորաղբյուր գյուղի բնակիչ, 1979 թ. ծնված Ռ. Խ.-ի տանը և օժանդակ շինություններում:
Արդյունքում` տնամերձ հողամասից հայտնաբերվել և առգրավվել է կանեփի բույսի 49 կանաչ թուփ:
Հայտնաբերվածն ուղարկվել է փորձաքննության:
Նախապատրաստված նյութերն ուղարկվել են ոստիկանության Կոտայքի քննչական բաժանմունք:
ՀՀ Ոստիկանություն
