«Արամ MP3-ը, շատ լավ երգեց, բայց որ չգիտեմ ինչ կնիկների ընտրեցին, էդ շատ վատ ա». Գեներալ Մանվելը՝ Կոնչիտայի մասին «ՀԺ»
«Երեկ ԱԺ ՀՀԿ խմբակցության պատգամավորներից հետաքրքրվեցինք, թե ինչ վերաբերմունք ունեն «Եվրատեսիլ» երգի մրցույթի հաղթած մասնակցի՝ Ավստրիայի ներկայացուցիչ Կոնչիտա Վյուրստի մասին»,- գրում է «Հայկական ժամանակ» թերթը՝ ավելացնելով. «ՀՀԿ-ական պատգամավոր, գեներալ Մանվել Գրիգորյանը մեր զրույցում նշեց, որ շատ վատ է վերաբերվում Կոնչիտային.
«Մեր տղեն՝ Արամ MP3-ը, շատ լավ երգեց, բայց որ չգիտեմ ինչ կնիկների ընտրեցին, էդ շատ վատ ա»,- ասաց Գրիգորյանը՝ ավելացնելով.
«Շատ վատ եմ վերաբերվում Կոնչիտային էլ, էդ երեւույթին էլ։ Ես էդ մասին չեմ էլ ուզում խոսամ։ Մեր Արամը կարգին տղա է ու կարգին երգեց։ Հայ ազգը պատմականորեն մշակութային ժողովուրդ ա եղել, շատ ժողովուրդներ չեն եղել, հայ ազգի մշակույթը պատմաբանական շատ ուժեղ է եղել, եղա՞վ»,- անհասկանալի ձեւակերպեց իր միտքը Մանվել Գրիգորյանն ու կեսկատակ-կեսլուրջ ավելացրեց.
«Դրանք կանանց գործը ձեռներից առնում են»։ ՀՀԿ-ական մեկ այլ պատգամավոր Առաքել Մովսիսյանը (Շմայս) ասաց. «Շատ սիրուն աղջիկ էր, բայց դե մի քիչ թերություն ուներ, ես չասեմ՝ դուք գիտեք։ Իրանց համար դա սովորական բան ա։ Արամը տղայավարի ցույց տվեց, մնացածը չգիտեմ։ Արամը ցույց տվեց մեր ազգի թասիբն ու նամուսը ու Ավստրիայից լավ երգեց»»։
Ամբողջությամբ կարդացեք «ՀԺ»-ի այսօրվա համարում։
