Յուրի Վարդանյանը կարող է նշանակվել Վրաստանում ՀՀ դեսպան
168.am-ի՝ կառավարությանը մոտ կանգնած աղբյուրները տեղեկացնում են, որ Սպորտի և երիտասարդության հարցերի նախկին նախարար Յուրի Վարդանյանը կարող է նշանակվել Վրաստանում ՀՀ դեսպան: Այդ պաշտոնը թափուր է մնացել Հովհաննես Մանուկյանին Արդարադատության նախարար նշանակելու արդյունքում: Այս տեղեկությունը ճշտելու համար դիմեցինք նախագահ Սերժ Սարգսյանի մամուլի ծառայության ղեկավար Արման Սաղաթելյանին:
Մեր գրավոր հարցմանը՝ որքանո՞վ են այդ տեղեկությունները համապատասխանում իրականությանը, Արման Սաղաթելյանը գրավոր պատասխանեց. «ՀՀ Նախագահի աշխատակազմի Հասարակայնության և տեղեկատվության միջոցների հետ կապերի վարչությունը ՀՀ Նախագահի հրամանագրերի մասին տեղեկացնում է պատշաճ կարգով և ժամանակին»:
