Ինչո՞ւ կառավարությունը հրաժարական չի տա. Հրայր Թովմասյանի մեկնաբանությունը (տեսանյութեր)
![](https://168.am/wp-content/uploads/2012/09/Hrayr-Tovmasyan0-e1346489445743.jpg)
Այսօր կառավարության նիստից հետո լրագրողների հետ ճեպազրույցում ՀՀ արդարադատության նախարար Հրայր Թովմասյանը պարզաբանումներ ներկայացրեց երեկ կուտակայինի վերաբերյալ Սահմանադրական դատարանի կայացրած որոշման հետ կապված: Ըստ նրա՝ ՍԴ որոշումը ոչ միայն նպաստելու մեր իրավական համակարգի հետագա զարգացմանը, այլև ցույց է տալիս իր տեղն ու դերը մարդու իրավունքնեի պաշտպանության գործում:
«Քաղաքացիական հասարակությունն ու քաղաքական ուժերը գտնվում են որակական նոր փուլում: Պարտվողներ և հաղթողներ չկան, նման որոշումները նպաստում են իրավական համակարագի զարգացմանը»,- հայտարարեց Հ.Թովմասյանը՝ հավելելով, որ հանուն դրա պատրաստ է առաջին պարտվողը լինել:
Մեկնաբանելով ՍԴ որոշումը՝ նախարարը հայտարարեց, որ մինչև սեպտեմբերի 30-ը պարտադիր կուտակայինի մասին օրենքը գործում է ողջ ուժով և 5% վճարները պետք է կատարվեն:
Հ.Թովմասյանը հայտարարեց, որ ՍԴ որոշման մեջ առկա «վերահաշվարկման են ենթակա մինչև այդ կատարված կուտակային վճարները» արտահայտությունը բոլորովին չի նշանակում, որ գումարները պետք է վերադարձվեն, այլ՝ մինչև սեպտեմբերի 30-ը կատարվելիք փոփոխություններին համապատասխան (օրինակ՝ եթեպարտադիր 5%-ը նվազեցվի 4% բարձրացվի 6%) պետք է վերահաշվարկվեն:
Ինչո՞ւ կառավարությունը հրաժարական չի տա: Այս հարցին ի պատասխան՝ Հ.Թովմայանը կոչ արեց հիշել հույներին: