ԱՄՆ-ը վիզային սահմանափակումներ է սահմանել ռուս պաշտոնյաների նկատմամբ. Reuters
Բրիտանական Reuters լրատվական գործակալության փոխանցմամբ՝ ԱՄՆ-ը վիզային պատժամիջոցներ է սահմանել Ռուսաստանի ու Ղրիմի պաշտոնյաների, ինչպես նաև շարքային քաղաքացիների ու կազմակերպությունների նկատմամբ, որոնց գործողությունները Վաշինգտոնի կարծիքով ապակայունացնում են իրավիճակն Ուկրաինայում:
Համապատասխան հրամանը ստորագրել է ԱՄՆ նախագահ Բարաք Օբաման: Պատժամիջոցների տակ հայտնվածների կոնկրետ անունները չեն հաղորդվել: Օբամայի վարչակազմը հայտարարել է, որ պատրաստ է Ռուսաստանի հանդեպ ձեռնարկել նաև այլ քայլեր՝ կախված Ուկրաինայում իրավիճակի զարգացումից:
