Սոչիում անվտանգություն ապահովող ՌԴ ԱԻՆ-ի ստորաբաժանումներն այսօրվանից անցնում են մարտական հերթապահության
Ռուսական ИТАР-ТАСС լրատվական գործակալության փոխանցմամբ՝ Սոչիում կայանալիք Ձմեռային օլիմպիական խաղերի անվտանգության ապահովման գործընթացում ներգրավված ՌԴ ԱԻՆ-ի ստորաբաժանումներն այսօրվանից սկսած՝ անցնում են մարտական հերթապահության: Այս մասին հայտարարել է ՌԴ ԱԻՆ-ի ղեկավար Վլադիմիր Պուչկովը. «Առջևում Ձմեռային օլիմպիական խաղերն են:
Հունվարի 7-ից բոլոր ստորաբաժանումները, որոնք ապահովում են խաղերի մասնակիցների ու հյուրերի անվտանգությունը, անցնում են մարտական հերթապահության, պաշտպանության տակ են առնվելու բոլոր օբյեկտները, գործարկվել է տիեզերական մոնիթորինգի համակարգը:
Ձմեռային օլիմպիական խաղերի անվտանգության բոլոր հարցերը լուծվում են ամենաբարձր, համաշխարհային մակարդակով»: Պուչկովը նաև խոստացել է բարձր մակարդակի անվտանգություն ապահովել 2018 թվականին երկրում կայանալիք Ֆուտբոլի աշխարհի առաջնության ժամանակ:
