Բաժիններ՝

9 ամիս տևած ցավեր և ապարդյուն բուժում. Ռեալի պաշտպանը կենթարկվի վիրահատության

Մադրիդի «Ռեալի» պաշտպան Ռաուլ Ասենսիոն մոտ է վիրահատության ենթարկվելուն, ինչի պատճառով կարող է շարքից դուրս մնալ 2-ից 3 ամսով։

Ինչպես հաղորդում է իսպանական Marca պարբերականը, «սերուցքայինների» սանին անհանգստացնում են սրունքի հատվածում առկա ցավերը, և վիրահատական միջամտության դիմելու վերաբերյալ որոշումը կարող է կայացվել առաջիկա օրերին։

Աղբյուրի տեղեկություններով՝ վնասվածքն Ասենսիոյին անհանգստացնում է արդեն 9 ամիս՝ ընթացիկ տարվա հունվարից։ Հավաքականների խաղերի համար նախատեսված երեքշաբաթյա դադարի ընթացքում իսպանացի պաշտպանը վերջին փորձն է արել՝ ապաքինվելու և վիրահատությունից խուսափելու համար։

Ֆուտբոլիստի համար լրացուցիչ մոտիվացիա էր այն հանգամանքը, որ իր դիրքային մրցակիցների՝ Դին Հոյսենի, Իբրահիմա Կոնատեի և Էդեր Միլիտաոյի վնասվածքների ու որակազրկումների ֆոնին նա հիանալի հնարավորություն ուներ տեղ զբաղեցնելու թիմի մեկնարկային կազմում: Սակայն նշվում է, որ կոնսերվատիվ բուժումն ու ապաքինման արագացված գործընթացն այդպես էլ ցանկալի արդյունք չեն տվել։

ArmSport

Բաժիններ՝

Տեսանյութեր

Լրահոս

Լուրերի օրացույց

Սեպտեմբեր 2026
Երկ Երե Չոր Հնգ Ուրբ Շաբ Կիրակի
« Օգոստոս   Հոկտեմբեր »
 123456
78910111213
14151617181920
21222324252627
282930