ԳԴՀ–ն ՀՀ պաշտպանության նախարարությանը 16 ձնագնաց է նվիրել
Գերմանիայի Դաշնային Հանրապետությունը ՀՀ պաշտպանության նախարարությանը 325 մլն 408 հազար դրամ ընդհանուր արժեքով 16 միավոր «POLARIS PROSTR S4 Titan» մակնիշի ձնագնաց (ռատրակ) մեքենաներ է նվիրել։ ՀՀ կառավարությունն այսօրվա նիստի ժամանակ հաստատեց այս նվիրատվությունը։
Նվիրատվությունն ընդունվեց ԳԴՀ կառավարության կողմից 2025 թվականի միջազգային ռազմական աջակցության ծրագրի շրջանակում և ՀՀ ՊՆ–ի է փոխանցվել ԳԴՀ ռազմական կցորդի միջոցով` մեր զինված ուժերի կարիքների համար:
Այսօրվա որոշման մեջ նշվում է, որ այդ գույքը տեղափոխվել է ՀՀ պաշտպանության նախարարություն և ՀՀ պաշտպանության նախարարության կողմից վերցվել է ի պահ:
